“ နောက်ဆုံးတွင် ပြည်သူသာ ရင်ကျိုးရမည်”

မြန်မာနိုင်ငံကြီးသည် အခုချိန်တွင် အဆိုးဆုံးအခြေအနေသို့ ရောက်ရှိနေပြီဆိုတာ လူသားခြင်း စာနာတတ်သော လူတိုင်း ယုံကြည်ကြသည်။ ထို့ကြောင့်လည်း နိုင်ငံတကာက အကူအညီတွေ ၀ိုင်းပေးကြသည်။ တချို့ နိုင်ငံတွေဆိုလျှင် စစ်အစိုးရ ခွင့်မပြုချင်နေ အကူအညီ ပေးမယ်လို့ ဗြောင်ပြောလာကြသည်။ သို့သော် စစ်အစိုးရများက ထိုအကူအညီများ၏ နောက်ကွယ်တွင် မကောင်းသော အကြံအစည်များ ရှိသည်ဟု ယုံကြည်ကြသည်။ မိမိပထမဦးဆုံး ပြောချင်သည်က ထိုအကူအညီအားလုံးကို စစ်အစိုးရအနေဖြင့် လက်ခံသင့်သည်။ ယခုအချိန်တွင် စစ်အစိုးရအနေဖြင့် နိုင်ငံတကာက ပေးသော အကူအညီကို ယူရန်သာ ဆုံးဖြတ်ဖို့လိုသည်။ အခြားသော အကြောင်းအရာများကို မစဉ်းစားသင့်ပေ။ အဘယ်ကြောင့်ဆိုသော ယခုလက်ရှိ မြန်မာလူမျိူးများ၏ အသေအပျောက်စရင်းများသည် နဲနဲနောနော် မဟုတ်ပေ။ ဤဆိုင်ကလုန်း မုန်တိုင်းကြီး မြန်မာနိုင်ငံအား တိုက်စားလိုက်ပြီးနောက် စစ်အစိုးရ၏ လိမ်လည်မှုများကို တစ်စိတ်တစ်ဒေသ အားဖြင့် တွေ့နိုင်ပေသည်။

ပထမ ၁ရက် ၂ ရက် ဆိုင်ကလုန်း မုန်တိုင်းတိုက်ပြီးခါစ မြန်မာပြည်သူ ပြည်သားများ အယောက် ၃၀၀ ကျော်သေဆုံးချိန်တွင် အမေရိကန်နိုင်ငံက ပေးသော အကူအညီကို မြန်မာစစ်အစိုးရခေါင်းဆောင်များက ငြင်းဆိုသည်။ သို့သော် မကြာပါ။ လူထောင်ပေါင်းများစွာ သေဆုံးသော သတင်းကို ကြားသောအခါ နအဖစစ်အစိုးရ ခေါင်းဆောင်များ ခြေမကိုင်မိ လက်မကိုင်မိ ဖြစ်ကြသည်။ အကူအညီပေးရန် နိုင်ငံတကာကို တောင်းဆိုကြသည်။ အမေရိကန်က ဒေါ်လာ ၃ သန်း အကူအညီပေးမည်ဟု ပြောဆိုသော အခါ ဒေါ်လာ ၅ သန်းပေးပါဟု မြန်မာစစ်အစိုးရများက တောင်းဆိုပြီး၊ ထိုငွေများအား ၎င်းတို့ လက်ထဲသို့ အရောက်ပို့ပေးပါဟု တောင်းဆိုကြသည်။ ဤတွင် မြန်မာစစ်အစိုးရတို့၏ မရိုးသားမှု တစ်ရပ်ကို တွေ့ရပြန်သည်။
ကျွန်တော်တို့ မြန်မာနိုင်ငံတွင် နေထိုင်ကြသော ပညာတတ်လူငယ်အများစုသည် နိုင်ငံတကာသို့ ပညာသင် ထွက်ကြသည်။ ထိုင်း၊ စင်္ကာပူ၊ မလေးရှား၊ ရှရှား၊ တရုတ်၊ အစရှိသဖြင့် နိုင်ငံတွေတွင် ကျွန်ုပ်တို့ မြန်မာနိုင်ငံတွင် မွေးဖွားသောသူများ ပညာလာသင်ကြသည်မှာ အားလုံးအသိပင် ဖြစ်ပေသည်။ ထိုသို့ပညာ သင်နိုင်စေရန်အတွက် ၎င်းတို့မိဘ ဘိုးဘွားများက ပညာသင်စရိတ်များကို ကြိုးစားပမ်းစား ရှာကြရသည်။ တနေ့တွင် သူတို့၏ သား၊ သမီးများက ပညာသင်ကြားပြီး ပြန်ရောက်လာလျှင် မိမိတို့ကို တဖန် ပြန်ရှာကျွေးလိမ့်မည်ဟု မိဘဖြစ်သူ အားလုံးကလည်း မျော်လင့်ထားကြသည်။ မိဘအားလုံးကလည်း ထိုသို့ မျော်လင့်သကဲ့သို့ ပညာသင်ယူသူ သားသမီးများ အားလုံးကလည်း မိမိတို့ ပညာသင်ကြားပြီး အမိမြေသို့ ပြန်ရောက်သော် မိမိတို့၏ မိဘများကို တဖန် ကျေးဇူးဆပ်ကာ ပြန်လည်လုပ်ကျွေးကြမည်ဟု ၎င်းတို့စိတ်ထဲတွင် မှတ်ယူထားကြမည် ထင်ပါသည်။ အားလုံးသော ပညာတော်သင် လူငယ်များအား မဆိုလိုပေ။ မည်သူသည် မည်သည့်အမျိုးအစားထဲတွင် ပါဝင်မည်ဟုဆိုသည်မှာ ၎င်းတို့ကိုယ်တိုင် ၎င်းတို့သိပါလိမ့်မည်။ ထိုပညာတော်သင် လူငယ်၊ လူရွယ်များမှာ မြန်မာပြည်၏ မြို့တော်အမျိုးမျိူးမှ ဖြစ်နိုင်သလို၊ ရွာအသီးသီးမှလည်း ဖြစ်နိုင်ပါသည်။ အများအားဖြင့် ရန်ကုန်၊ မန္တလေး စသည့် မြို့ကြီးများမှ ဖြစ်မည်ဟုလည်း ကျွန်ုပ်ထင်မြင်မိသည်။ အဘယ်ကြောင့်ဆိုသော် ကျွန်ုပ်သည် အွန်လိုင်းများပေါ်ရှိ ချက်ရွန်းများပေါ်တွင် တခါတလေတွင် သွားရောက်လည်ပါတ်ဖူးသည်။ ထိုချက်ရွန်းများတွင် ကျွန်ုပ်တို့ မြန်မာနိုင်ငံမှ နိုင်ငံတကာသို့ ရောက်ရှိနေသည် မြန်မာလူမျိုးများသာ ၀င်ရောက်လေ့ရှိသည်။ ထိုသူတို့နှင့် ကျွန်ုပ်စကားပြောဖြစ်ကြသည်။ အများအားဖြင့် ကျွန်ုပ်နှင့် စကားပြောဆိုဖူးသော မြန်မာလူမျိုးများသည် ရန်ကုန်မြို့မှ လာကြသည်ဟု သိရှိရသည်။ အချို့မှာမူ မန္တလေးမှလည်း ဖြစ်နိုင်ပါသည်။ တိတိကျကျ ပြောရမည်ဆိုလျှင် ထိုသို့ ပညာလာသင်သော လူငယ်များသည် မြန်မာနိုင်ငံ တ၀ှမ်းမှ ဖြစ်သည်။
ယခု မြန်မာနိုင်ငံကို ဆိုင်ကလုန်းမုန်တိုင်းကြီး ၀င်စီးလေပြီ။ မြစ်ဝကျွန်းပေါ် ဒေသဖြစ်တဲ့ ဧရာဝတီဟုခေါ်သော မြန်မာနိုင်ငံတွင် ဆန်စပါးပေါကြွယ်ဝသော၊ မြန်မာလူမျိုးများ စိုက်ပျိုးမွေးမြူရာတွင် အဓိက အားထားရသော တိုင်းကြီးတစ်ခုလုံးကို သာမက ရန်ကုန်၊ မကွေး၊ ပဲခူး စသော မြန်မာနိုင်ငံ၏ မြို့များကို ဆိုင်ကလုန်းမုန်တိုင်းကြီးက ဘီလူးကြီးသဖွယ် ၀ါးမြိုသွားလေပြီ။ အသေအပျောက် ၁၀၀၀၀၀ ကျော်ခန့်ရှိသော မြန်မာပြည်သူလူထုကြီးများသည် နိုင်ငံတကာသို့ ပညာတော်သင် ထွက်သွားသော လူငယ်များ၏ ဘိုးဘွားမိဘ ဆွေမျိုးများ မပါနိုင်ပါဟု မည်သူတွေက ပြောနိုင်လိမ့်မည်နည်း? ထိုပညာ သင်သွားသော လူငယ်များသည် ဧရာဝတီတိုင်းမှ လူမျိုးများ မဟုတ်ဟု မည်သူတွေက ပြောနိုင်လို့လည်း? အိုးမဲ့ အိမ်မဲ့ ဖြစ်သွားသော ပြည်သူလူထုကြီးသည် နိုင်ငံတကာတွင် ရောက်ရှိ၍ အလုပ်လုပ်ကိုင်နေသော သူများသာမက၊ ပညာသင်ကြားနေသော မြန်မာလူမျိုးများ၏ ဘိုးဘွား၊ မိဘ၊ ဆွေမျိုးများ မပါပါဟု အတိအကျပြောနိုင်ပါရဲ့လား? မပြောကောင်းမဆိုကောင်း အကယ်၍ ထိုလူငယ်များ၏ မိဘ၊ ဘိုးဘွား ဆွေမျိုးများသာ ပါခဲ့သည် ရှိသော ၎င်းတို့ အနေဖြင့် မည်သို့ခံစားရမည်နည်း? နအဖစစ်အစိုးရအနေဖြင့် ထိုလူငယ်များ၏ ကိုယ်စား စဉ်းစားသင့်သည်။ နောင်တချိန်တွင် ထိုလူငယ်များသည် နိုင်ငံတော်၏ အားထားရသော လူများဖြစ်နိုင်ပေသည်။ ထိုလူငယ်များသည် မိမိတို့ တတ်သမျှ ပညာများကို အမိမြေတွင် အသုံးချမည်ဟုလည်း ယုံကြည်ရမည်။ ယခုအချိန်တွင် မုန်တိုင်းတိုက်စားမှုကြောင့် သေဆုံးသူများသည် မည်သူမည်ဝါ၏ မိဘ၊ ဆွေမျိုး၊ ဘိုးဘွား၊ သားသမီးများဖြစ်သည်ကို စာရင်းဇယားအနေဖြင့် မထုတ်နိုင်သေးပါ။ စစ်အစိုးရအနေဖြင့် ထုတ်လိမ့်မည်ဟုလည်း မိမိအနေဖြင့် မယုံကြည်ပါ။
အဓိကအနေဖြင့်တော့ စစ်အစိုးရအနေဖြင့် နိုင်ငံတကာက ပေးသော အကူအညီအားလုံးကို နိုင်ငံရေးအရ မစဉ်းစားပဲ၊ မတွေးကြည့်ပဲ ယူသင့်ပေသည်။ အကယ်၍ စစ်အစိုးရအနေဖြင့် မိမိတို့၏ အာဏာမြဲရေးသာ ကြည့်နေမည်ဆိုလျှင် ပြည်သူလူထုက ဆိုင်ကလုန်း မုန်တိုင်းကြီးကို မုန်းသော ရာဇ၀င်ကြီးသည် ပြည်သူလူထုကြီးက နအဖစစ်အစိုးရ အုပ်စုကို မုန်းသော ရာဇ၀င် ကြီးသာ ဖြစ်သွားပေမည်။ နောင်တချိန်တွင် ဆိုက်ကလုန်း မုန်တိုင်းကြောင့် မြန်မာပြည်သူလူထု အများအပြား သေဆုံးရသော နေ့ရက်ကို နအဖစစ်အစိုးရတို့၏ အဆုံးစွန်ကောက်ကျစ် ယုတ်မာသော နေ့ရက်အဖြစ် မြန်မာနိုင်ငံ ပြည်သူလူထုကြီးက ပြောင်းလည်းသတ်မှတ်ပေလိမ့်မည်။
ယခုအချိန်တွင် ပြည်ပရောက် မြန်မာလူမျိုးများ အနေဖြင့်လည်း ပြည်တွင်းက ဖြစ်ပျက်နေသော သတင်းများကို နိုင်ငံတကာသို့ ရောက်ရှိနေသော သူများထံသို့ email ကဖြစ်စေ G-talk ကဖြစ်စေ၊ Chat Room ကဖြစ်စေ မြန်မာနိုင်ငံနှင့် သက်ဆိုင်သော သတင်းများကို ပေးသင့်သည်။ နိုင်ငံတကာရောက် ပညာသင်ကြားနေသော မိမိတို့ မြန်မာလူမျိုးများအနေဖြင့်လည်း စစ်မှန်သော ဒီမိုကရေစီရေးကို လိုလားသော သတင်းဌာနများကို ယုံကြည်သင့်သည်။ ထိုသတင်းဌာနများမှ သတင်းများကို ဖတ်ရှုနိုင်ဖို့ကိုလည်း မိမိတို့ ကွန်ပျူတာတွင် လုပ်သင့်လုပ်ထိုက်သည်များကို ဆောင်ရွက်သင့်သည်။ ပြည်ပရောက် မြန်မာလူမျိုးများ မြန်မာနိုင်ငံနှင့် ဆိုင်သော သတင်းများကို ဖတ်ရှုနိုင်စေရန်ကိုလည်း သတင်းဌာနအသီးသီးရှိ webpage ပေါ်များတွင် နည်းလမ်းများကို ပြောထားပါသည်။
မိမိအဆုံးသတ်အနေဖြင့် ပြောရမည်ဆိုလျှင် နအဖ စစ်အစိုးရအနေဖြင့် နိုင်ငံတကာက ပေးသော အကူအညီများကို ဟိုစဉ်းစား ဒီစဉ်းစား မလုပ်ပဲ အပြည့်အ၀ ရယူပြီး၊ ဒုက္ခရောက်နေသော မြန်မာပြည်သူလူထုကြီးကို နိုင်ငံတကာက ပေးသော အကူအညီအားလုံးကို အပြည့်အ၀ပေးသင့်သည်ဟု တိုက်တွန်းချင်ပါသည်။ ထိုသို့မဟုတ်ပဲ စစ်အစိုးရ အနေဖြင့် မိမိတို့ ကောင်းစားရေးသာ ကြည့်ပြီး၊ ရလာသည့် နိုင်ငံတကာ အကူအညီများကို ဒုက္ခရောက်နေသော မြန်မာပြည်သူလူထုထံသို့ အမြတ်ထုတ်ပြီး ပြန်ရောင်းစားမည်ဆိုလျှင် မိမိတို့ မြန်မာလူမျိုးများသာ ရင်ကျိုးရမည်ဟု ထင်မြင်မိပါသည်။ ထိုသို့သော မြန်မာပြည်သူလူထုများက စစ်အစိုးရများအား အဆုံးစွန် ရွံ့ရှာမုန်းတီးမိပြီး ရင်ကျိုးပက်လက် ဖြစ်ပြီ ဆိုလျှင် နအဖစစ်အစိုးရအနေဖြင့် ယခုမေလတွင် ပြုလုပ်မည့် ရွေးကောက်ပွဲတွင် ကြက်ခြေခတ် မဲများသာ အစီအရီတွေရပေလိမ့်မည်ဟု သတိပေးချင်ပါသည်။

ရှမ်းကလေး