Wednesday, April 30, 2008

အဝေးဆုံးကို ထွက်မသွားနိုင်ပါ (၂)

ကျောင်းစာသင်ခန်းသည် ဒုက္ခသည်ဟူသော မိမိသို့ မြန်မာနိုင်ငံမှ လာရောက်ကာ ၀င်ရောက်ခိုလှုံင အစိုးရမဟုတ်သော အဖွဲ့အစည်း အသီးသီးက ထောက်ပံ့သော ကျောင်းတစ်ကျောင်း ဖြစ်ပါင အုပ်အင်္ဂတေများဖြင့် တည်ဆောက်ထားနိုင်ခြင်း မရှိသော်လည်း မြန်မာနိုင်ငံတွင် ဆင်းရဲသားများတင် သာမက ငွေကြေးအနည်းအကျဉ်းမျှ ရှိသော ပြည်သူလူထုများ နေထိုင်သော ပြည်နယ်များရှိ အိမ်ခြေများကဲ့သို့ ထရံကာ ဓနိမိုး စသည်ဖြင့်သာ ကျောင်းဆောင်ကြီးအား တည်ဆောက်ထားသည်ကို သူမတွေ့ရှိ လိုက်ရသည်။ ကျောင်းသားများ ပညာသင်ယူရာ ကျောင်းဆောင်ကြီးမှာလည်း တစ်ဆောင်သာ ရှိပြီး ထိုကျောင်းဆောင်ကြီးကို အမှီပြုင ကျောင်းခန်းလေးများ ဖွဲ့စည်းထားသည်ကို သူမတွေ့ရှိရ ပြန်သည်။ ကျောင်းဆောင်ကြီး၏ ပတ်ဝန်းကျင် အနီးအနားတွင်လည်း ကျောင်းသို့၏ ၀ိနည်းနှင့်အညီ စိမ်းစိုလန်းဆန်းသော ပန်းပင်များ၊ အထူးသဖြင့် ရွက်လှပန်းပင်များ အရိပ်ကောင်းသော သစ်ပင်ကြီးများမှာ မြန်မာနိုင်ငံ တောရွာများတွင် တည်ဆောင်ထားသော ကျောင်းများသဖွယ် ယခုဒုက္ခသည် စခန်းရှိ ကျောင်းလေးမှာလည်း သာယာလှပ သေသပ်စွာ တည်ဆောက်ထားကြောင်း သူမတွေ့ရှိလိုက်ရသည်။ သူမနှင့် ခင်ဆီတို့ နှစ်ယောက် ကျောင်းပတ်ဝန်းကျင်ကို တချက်ပတ်ကြည့်လိုက်ပြီး သည်နှင့် ခင်ဆီက “ဟေ့ အိမ်မက် ကျောင်းခန်းထဲ ၀င်ကြရအောင်လေ ကျောင်းလဲတက်တော့မှာပဲ"

"အေးဟုတ်တယ် ကျောင်းခန်းထဲက သူငယ်ချင်းတွေနဲ့ သွားမိတ်ဆက်ရတာပေါ့"

သူငယ်ချင်းဆိုလို့ သူမတွင် များများစားစားမရှိ။ ယခုတွင်လည်း သူငယ်ချင်းဆိုလို့ ခင်ဆီတစ်ယောက်သာ သူ့မှာရှိသည်။ သူ့အတွက် သူငယ်ချင်း များများစား မရှိသည်မှာလည်း သိပ်ပြီးတော့ မထူးဆန်းပါ။ ပထမ တစ်ချက်က သူဒီကို ရောက်သည်မှာလည်း သိပ်ပြီးတော့ မကြာသေးဘူး..၊ နောက် ဒုတိယတစ်ချက်က သူအိမ်မှာပဲနေပြီး အပြင်ထွက်လေ့ သိပ်မရှိ။ နောက်တတိယ အချက်က သူနေထိုင်တဲ့ ရပ်ကွက်မှာလည်း သူ့အရွယ်လောက်ရှိ မိန်းကလေးများပင် သာမက ယောက်ကျားလေးများပါ မရှိခြင်းဖြစ်သည်။ ခင်ဆီတစ်ယောက်မှာပင် သူမတို့၏ အိမ်နှင့် နီးလို့သာပေါ့။ သို့မဟုတ်ရင် သူမမှာ မွေးမိခင်နှင့် အိမ်နီးချင်း ဦးလေး ဒေါ်ဒေါ်သာ ခင်တွယ်စရာ ရှိမည်ဖြစ်သည်။ ပြီးတော့ သူမကိုယ်တိုင်ကလည်း စကားပြောလေ့ သိပ်မရှိ။ သူမရဲ့ ဦးနှောက်က အတွေးနက်တွေထဲကို ရောက်သွားပြီ ဆိုလျှင် ဘာကိုမှ စိတ်မ၀င်စား တာကြောင့်လဲ ဖြစ်နိုင်သည်။ ခင်ဆီကတောင် သူနဲ့တွေ့လျှင် ခဏခဏ ပြောဆိုလေ့ရှိသော စကားစု တစ်ခုကို အမြဲပြောလေ့ ရှိသည်။ အဲ့ဒါကတော့
"အိမ်မက် နင်ကလည်း ငါနဲ့ တွေ့ရင် စကားဘယ်တော့မှ စမပြောဘူး..၊ နင့်ကိုသာ ယောက်ကျားတစ်ယောက်က ချစ်ခဲ့မယ် ဆိုရင်တောင်မှ နင့်ရည်စားက စကားပြောကျင့်မှ ရမယ်တဲ့၊ အဲ့ဒါမှာ နင်နဲ့ စကားပြောလို့ ရမှာ" တဲ့။

သူမနှင့် ခင်ဆီသို့ နှစ်ယောက် ကျောင်းစာသင်ခန်း ထဲသို့ ၀င်လာခဲ့သည်။ ကျောင်းခန်းတွင်းသို့ ၀င်လိုက်သည်နှင့် အဖြူရောင် ကျောင်းဝတ်စုံလေးများကို ၀တ်ဆင်ပြီး ယောက်ကျားလေးများက ပုဆိုးရောင် အစိမ်းလေးများကို ၀တ်ဆင်ကာ၊ မိန်းကလေးများမှာလည်း အစိမ်းရောင် ထမိန်များကို ၀တ်ဆင်ခဲ့ကြသည်မှာ မြန်မာနိုင်ငံ တွင်းက ကျောင်းလေးတွင်းရှိ ကျောင်းသားကျောင်းသား များနှင့် မထူးခြားပါ။ မည်သို့ပင်ဖြစ်စေ သူမနှင့် ကျောင်းတစ်ကျောင်းတင် သာမက ဒုက္ခသည် စခန်းထဲမှ လူအများစုမှာလည်း ဗာမာနိုင်ငံသားများဖြစ်၍ မြန်မာလူမျိုး တိုင်းရင်းသားများပင် ဖြစ်ကြသည် မဟုတ်ပါလား။ ကျောင်းကြီးရှိ စာသင်ခန်းကလေးထဲတွင် ကျောင်းသူကျောင်းသားများ အသုံးပြုရန်အတွက် တာဝန်ရှိသူ အသီးသီးက ဆောင်ရွက်ပေးထားခြင်းကြောင့် ခုံစောင်းကလေးများမှာ အစီအရီပင် ရှိနေပါတော့သည်။ ပြီးတော့ ကျောက်သင်ပုန်း အကြီးကလည်း ကျောင်းသူကျောင်းသားများ၏ အမြင်ရှင်းလင်းအောင် ချိတ်ဆွဲထားသည်မှာလည်း အရှင်းသားပင် မြင်နေရသည်။ ဆရာ၊ ဆရာမများ ထိုင်ဖို့ စားပွဲခုံနှင့် ထိုင်ခုံလေးမှာလည်း သေသပ်စွာ ချထားခြင်းကြောင့် သူမတို့၏ ဒုက္ခသည်ကျောင်းကလေးမှာ စာသင်ကျောင်း တစ်ကျောင်းတွင် ရှိသင့်သည့် အဂါင်္ရပ်နှင့် ပြည့်စုံနေပါတော့သည်။ ဒုက္ခသည်ကျောင်းကလေးသည် မြန်မာနိုင်ငံ မြို့ကြီးများရှိ အထက်တန်းကျောင်းများ အလား ပြီးပြည့်စုံနေသည်မှာ သူမအတွက်တင် သာမက ကျောင်းတစ်ကျောင်းလုံးရှိ ကျောင်းသူကျောင်းသား များအတွက်ပါ ၀မ်းမြောက်စရာပင် ဖြစ်ပါတော့သည်။

"ဆရာမလာပြီ..၊ မင်္ဂလာပါ ဆရာမ"
" မင်္ဂလာပါ သားတို့ သမီးတို့ရေ"
ဆရာမ ဟူ၍ သူမ ရုတ်တရက် ကြောင်သွားသည်။ အဘယ်ကြောင့်ဆိုသော သူမမြင်သော ဆရာမလေးမှာ အသက်အားဖြင့်ကြည့်လျှင် သူမထက် ၃ နှစ် ၄ နှစ် ခန့် ကြီးပေလိမ့်မည်။ ဆရာမလေးဟုပင် သူမမထင်ပါ။ သူမထင်ထားသည်မှာ သူနှင့်ရွယ်သူ ကျောင်းသူလေးဟုပင် ထင်မိပါသည်။ သူများတော့ မသိပါ။
စစတွေ့ခြင်းပင် သူမကိုယ်တိုင် ဆရာမလေးကို အထင်သေးမိသည်။

"ဆရာမက အရမ်းချော တာပဲနော်..၊ ပြီးတော့လည်း ငယ်ငယ်လေးနော်..၊ ချစ်စရာလေးဟယ်" ဟု ခင်ဆီက တိုးတိုးလေး ပြောလိုက်သည်။

"ကဲ သားတို့သမီးတို့ရေ ဆရာမက နာမည်က မေနော်ထူးလို့ ခေါ်ပါတယ်..၊ အသက်ကတော့ ၂၂ ပဲရှိပါသေးတယ်..၊ ဒီဒုက္ခသည် စခန်းကို ရောက်လာတာကတော့ သားတို့သမီးတို့ထက်တော့ ဦးရင်ရောက်လာတယ်လို့လည်း ပြောနိုင်တယ်ပေါ့ကွယ်..၊ သားတို့ သမီးတို့ရေ၊ ဆရာမက သားတို့သမီးတို့လို့ ခေါ်ရတာဟာ ဆရာမနဲ့ တပည့်တို့ရဲ့ တာဝန်ဝတ်တရား အရပါကွယ်..၊ တကယ်တော့ ဆရာမဟာ သားတို့သမီးတို့နဲ့ အသက်သိပ်တော့ မကွာပါဘူးကွယ်..၊ ဆရာမနဲ့ သားတို့သမီးတို့နဲ့ ဒီနေရာမျိုးမှာ တွေ့ဆုံရတာဟာ ရေစက်တခုလို့ ပြောလို့ရသလို..၊ ရှေးဘ၀က ကုသိုလ်ကံအကြောင်း မလှခဲ့လို့လဲ ဖြစ်နိုင်တာပေါ့ကွယ်..၊ တကယ်တော့ ဆရာမနဲ့ သားနဲ့သမီးတို့ဟာ ဘ၀တူတွေပါပဲကွယ်..၊ ဘ၀တူတွေဆိုတာ အချင်းချင်း ရိုင်းပင်းကူညီ ကြရတယ် သားတို့သမီးတို့ရဲ့..၊ သားတို့သမီးတို့ တတွေဟာလည်း ကိုယ့်ခံစားချက်နဲ့ကိုယ် ရှိကြတယ်ဆိုတာလည်း ဆရာမ သိပါတယ်..၊ ခံစားချက် မရှိပဲနဲ့တော့ လူမဖြစ်လာ တတ်ကြပါဘူးကွယ်..၊ ဆရာမ အထူးပြောချင်တာကတော့ ကိုယ့်ခံစားချက်ကို အကောင်အထည် ဖော်နိုင်အောင် ကြိုးစား ကြပေါ့ကွယ်..၊ ပထမဦးဆုံးနေ့မှာ ဆရာမ ၀မ်းနည်းစရာကောင်းတဲ့ စကားတွေပြောသွားသလို့ ပျော်ရွင်စရာကောင်းတဲ့ သင်ခန်းစာတွေကိုလည်း သင်ပြသွားမှာပါကွယ်..၊ ကဲဆရာမလည်း ဒီလောက်နဲ့ပဲ ဆရာမနဲ့ သားတို့သမီးတို့ရဲ့ နှုတ်ဆက်ခြင်းကို ရပ်လိုက်ရအောင်ကွယ်..၊ ဆရာမဖက်ကတော့ ဆရာမကိုယ်ကို နှုတ်ဆက်ပြီးပြီ..၊ သားတို့သမီးတို့ရဲ့ နာမည်တွေကိုလည်း ပြောကြဦးလေကွယ်။ ကဲ ရှေ့ဆုံးက ခုံကနေ အရင်စပြောကြ"

ဆရာမ ဒေါ်မေနော်ထူးရဲ့ ရုပ်လေးကို ကြည့်ယုံနဲ့ ကရင်ရုပ်ပေါက်နေတယ်ဆိုတာ သူမအစောကြီးထဲက သိထားပါတယ်။ ဆရာမကိုယ်တိုင် နာမည်ကိုပြောပြ လိုက်တော့ ပိုပြီးတော့ သေချာသွားပါပြီ။ ဆရာမဟာ တိုင်းရင်းသား တစ်ယောက်ဖြစ်ပေမဲ့လည်း ဆရမရဲ့ အသံဟာ ပြတ်သားပြီး ရှင်းလင်းနေသည်ကိုကြည့်ပြီး သူမတော်တော်ပင် အံ့သြ မိသွားတယ်။ ပထမဦးဆုံး ရှေ့ဆုံးထိုင်ခုံမှာ ထိုင်နေတဲ့ ကျောင်းသားတစ်ယောက်က ဆရာမရှေ့မှာ ရိုသေစွာ လက်ပိုက်ပြီး

"သားနာမည်က နော်ထူးပါခင်ဗျား"
"သားနာမည်က မင်းနိုင်ပါခင်ဗျား"
"သားနာမည်က စောခရစ်ပါ ခင်ဗျား"
ယျောက်ကျားလေးများ ၁၀ ယောက်ခန့် ဆရာမကို မိတ်ဆက်ပြီးသောအခါ မိန်းကလေးများကလည်း

"သမီးနာမည်က ကပေါ်ဝါးပါရှင့်"
"သမီးနာမည်က ချိုချိုလွင်ပါရှင့်"
"သမီးနာမည်က ခင်ဆီပါရှင့်"
မိန်းကလေး ၈ ယောက်ခန့် မိတ်ဆက်ပြီးသောအခါ သူမ မိတ်ဆက်ရမည့် အလှည့်သို့ ရောက်လာလေသည်.

"သမီးနာမည်က အိမ်မက်ပါရှင့်"

တပည့်နှင့် ဆရာမတို့ မိတ်ဆက်ပြီးသောအခါတွင် ဆရာမက
"ကဲ သားတို့သမီးတို့ရေ ဆရာမကတော့ သားတို့သမီးတို့ကို သင်ဖို့ မြန်မာစာဘာသာရပ်ကို ယူထားတယ်..၊'

ဆရာမရဲ့ ပြောလိုက်တဲ့ စကားကြောင့် သူမမှာ အံ့သြရပြန်သည်...၊ အဘယ်ကြောင့်ဆိုသော် ဆရာမ ဒေါ်မေနော်ထူးမှာ တိုင်းရင်းသား လူမျိုးတစ်ဦးဖြစ်သည်..၊ တိုင်းရင်းသား တစ်ဦးက မြန်မာစာ သင်မည်ဆို၍ သူမ အံ့သြခြင်းဖြစ်သည်..၊ အသက်ကိုကြည့်ခြင်းအားဖြင့်လည်း မြန်မာစာကို ဆရာမ ဒေါ်မေနော်ထူး ကောင်းကောင်းသင်နိုင်ပါ့မလား ဆိုတာကို သူမကြိုတင် စိုးရိမ်မိသည်။

သို့သော် သူမထင်ထားသည်နှင့် ဆရာမဒေါ်မေနော်ထူးမှာ လုံးဝခြားနားနေသည်။ ဆရာမသင်ပြသည်ကို နှစ်ရက်ခန့် ခံယူပြီးသွားသော အခါ သူမ၏ စိတ်ထဲတွင် ဆရာမ ဒေါ်မေနော်ထူးကို အထင်သေးမှုများမှာ လုံးဝပျောက်သွားလေပြီ။ ဆရာမကို အထင်သေးခြင်းကိုလည်း သူမကိုယ် သူမရှက်မိသွားသည်။ စိတ်ထဲမှာလည်း မရှင်းမရှင်း ဖြစ်နေ၍ ဆရာမဆီကို အကျိုးအကြောင်း ရှင်းပြရမည်ဟု သူမ ဆုံးဖြတ်လိုက်သည်။ နောက်တစ်ရက်တွင် သူမ ခင်ဆီကို ခေါ်ပြီး ဆရာမအိမ်ကို သွားခဲ့သည်။ ဆရာမရဲ့ အိမ်နှင့် အိမ်မက်တို့ရဲ့ အိမ်မှာ နဲနဲတော့ လှမ်းသည်။ သူမတို့ ဆရာမ ဒေါ်မေနော်ထူး အိမ်ရောက်တော့ ဆရာမက စာဖတ်နေသည်။ သူမတို့ လာသည်ကို ဆရာမ မြင်တော့

"ဟဲ အိမ်မက် ညီမတို့ အမအိမ်ကို လာတာလား..၊ ကဲကဲ အိမ်ပေါ်တက်..၊ ဘာမေးမလို့လဲ တမင်တော့ လာလည်တာ မဟုတ်လောက်ပါဘူးနော်"
"ဟုတ်ကဲ့ ဆရာမ၊ ဆရာမကို မေးစရာရှိလို့ လာခဲ့တာ မဟုတ်ပါဘူး..၊ ၀န်ခံစရာရှိလို့ လာခဲ့တာပါ"
"အော အိမ်မက်ရယ် အမနဲ့ ညီမက အသက်မ သိပ်မကွာတာကွယ်၊ အပြင်မှာတော့ ဆရာမလို့ မခေါ်ပါနဲ့ကွယ်၊ ရပါတယ်၊ ကျောင်းမှာသာ ကျောင်းစည်းကမ်းအရ ပေါ့ကွယ်..၊ ကဲ ဘာဝန်ခံစရာများ ရှိလို့လဲ..၊ ပြောစမ်းပါဦး"

သူမ မအံ့သြပဲ မနေနိုင်တော့ပါ..၊ လူ့လောကကြီးတွင် အံဝင်ဂွံကျအောင် ပေါင်းသင်းဆက်ဆံနိုင်သူကို သူမ ပထမဦးဆုံး ကြုံတွေ့လိုက်ရခြင်းကြောင့် ဖြစ်သည်။ လူရဲ့စိတ်ကို အမျိုးမျိုး ပြောင်းလဲ နေထိုင်နိုင်တဲ့ သူကိုလည်း အိမ်မက် ပထမဦးဆုံးအကြိမ် တွေးဖူးခဲ့ပြီ။ ဆရာမနဲ့ မတွေ့ခင် အိမ်မက်ရဲ့ ခံယူချက်နှင့် ဆရာမနှင့် တွေ့ပြီး အိမ်မက်ရက် ခံယူချက်တွေဟာ လုံးဝဥသုံ ပြောင်းလဲသွားလေပြီ။ အရင်းတုန်းက ဆရာမနဲ့ မတွေ့ခင် အိမ်မက်ရဲ့ ခံယူချက်မှာ လူ့ရဲ့စိတ်ကို အမျိုးမျိုးပြောင်းလဲ တတ်သောသူသည် ကောက်ကျစ်စဉ်းလဲသောသူ ဖြစ်သည်ဟုတ် မှတ်ယူထားမိသည်။ သို့သော် ယခုမူကား လုံးဝကို ပြောင်းလဲသွားလေပြီ။ ဆရာမ ဒေါ်မေနော်ထူးရဲ့ စိတ်ပြောင်းလဲခြင်းမှာ လူ့လောက သဘာဝနှင့် လိုက်လျော်ညီထွေစွာ နေထိုင်ခြင်း ဖြစ်သည်ဟု သူမရဲ့ ဦးနှောက်ရဲ့ အသိစိတ်ဓာတ်က အလိုလို ၀င်လာတော့သည်။ တကယ်တော ဆရာမဒေါ်မေနော်ထူးဟာ ကျောင်းစာတွေသင်သာမက သင်ယူချင်တိုင်း သင်ယူလို့ မရတဲ့ လူ့လောကကြီးရဲ့ အကြောင်းကိုပါ ပထမဦးဆုံး သင်ပေးလိုက်ပြီ ဟုလည်း သူမကိုယ်တိုင် ယုံကြည်လက်ခံထားသည်။ သူမရဲ့ စိတ်ထဲမ ကျိတ်ပြီး ဆရာမကိုလည်း ကျေးဇူးတင်မိသည်။

" အော ဟိုလေ ကျောင်းစဖွင့်တုန်းက ဆရာမ အတန်းထဲ ၀င်လာတဲ့ အခါတုန်းက သမီးက ဆရာမကို ကျောင်းသူလို့ထင်မိတာရယ်..၊ ဆရာမက အသက်ငယ်ငယ်လေးနဲ့ ဆရာမဖြစ်နေတာကြောင့် ဆရာမကို အထင်သေးမိတာရယ်..၊ ပြီးတော့ ဆရာမလို တိုင်းရင်းသူလေး တစ်ယောက်က မြန်မာစာကို သင်မယ်ဆိုတော့ ပိုပြီးတော့ အထင်သေးမိတာရယ် အဲ့ဒါတွေကို လာတောင်းပန်တာပါ..၊ ဆရာမ"

ဆရာမ ဒေါ်မေနော်ထူးက သူ့ကို အမလုိ့ ခေါ်ပါလို့ ပြောလိုက်ပေမဲ့ အိမ်မက်တစ်ယောက်ကတော့ ဆရာမ ဒေါ်မေနော်ထူးကို အမဟု သူ့ပါးစပ်မှ ခေါ်ထွက်ရန် ၀န်လေးနေမိသည်။

"အော.. အိမ်မက်ကလည်းလေ ဆရာမအရွယ်နဲ့ ကျောင်းဆရာမ ဖြစ်တဲ့ သူတစ်ယောက်အနေနဲ့ အိမ်မက်တို့လို့ အသက်မတိမ်းမယိမ်း လူတွေက တွေ့မယ်ဆိုရင် အဲ့လိုထင်မြင်တတ်ပါတယ်..၊ ဘာမှမဖြစ်ပါဘူးကွယ်..၊ အိမ်မက်တင် မဟုတ်ပါဘူး..၊ ကျန်တဲ့ မောင်လေး၊ ညီမလေးတွေလည်း အိမ်မက်လို ထင်ကြမှာပါ..၊ အမက ဗွေမယူပါဘူးကွယ်..၊ ဒီလိုကိစ္စမျိုးတွေက ဖြစ်တတ်ပါတယ်။"

"ခင်ဆီကတော့ အဲ့လိုမထင်ပါဘူး ဆရာမရယ်"

"အော..၊ ဒီကလေးနှစ်ယောက်နယ် ဆရာမ ဆရာမ နဲ့ ပါးစပ်ကကို မချနိုင်ဘူး..၊ ဆရာမတောင် တော်တော်အိုနေပြီလား မသိဘူး..၊ ပြောပါဦး ခင်ဆီက ဘယ်လိုထင်တာလဲ"
"ခင်ဆီက ဆရာမ ၀င်လာကတည်းက နတ်သမီး ကျလာသလားလို့တောင် ထင်မိတာ"
"ခင်ဆီကတော့လေ ရှောက်ပြောတော့မယ်..၊ ဆရာမကို တွေ့တုန်းမြောက်နေပြန်ပြီ..၊ ဆရာမ မုန့်ကျွေးမှာပါကွယ်"
"တကယ်ပြောတာ ဆရာမရဲ့ ဆရာမက အရမ်းလှတာပဲ.."
"အေးပါ ထားပါတော့ ကဲ ညီမတို့ ဒီမှာခဏစောင့်နော် အမ စားစရာ တစ်ခုခု လုပ်လာခဲ့ဦးမယ်"
"ဟာ... ရပါတယ် ဆရာမ..၊ အိမ်မက်တို့ အခုပဲ ပြန်တော့မလို့"
"အေး အေး နောက်လဲ အားရင်လာလည်ဦးပေါ့..၊ စာ မရှင်းတာရှိရင်လဲ လာမေးလို့ရတယ်နော်"
"ဟုတ်ကဲ့ပါ ဆရာမ" ဟုပြောဆိုက အိမ်မက်နှင့် ခင်ဆီတို့နှစ်ယောက်သား ဆရာမ ဒေါ်မေနော်ထူး အိမ်မှ ထွက်လာခဲ့ကြလေသည်။ ဆရာမ အိမ်မှ ထွက်ထွက်ခြင်း အိမ်မက်ရဲ့ ဦးနှောက်အိမ်လေးထဲတို့ သတိတစ်ချက်က အိမ်မက်မတောင်းဆိုပဲနဲ့ အလိုလိုဝင်ရောက်လာသည်။ ထိုသတိတစ်ချက်ကား မိမိထက် ငယ်သည်ဖြစ်စေ ကြီးသည်ဖြစ်စေ၊ ရွယ်သူဖြစ်စေ မည်သူတစ်ဦးတစ်ယောက်ကိုမှ အထင်မသေးရဟူသော သတိတစ်ချက်ပင် ဖြစ်ပါတော့သည်။
*************************************************************

အဝေးဆုံးကို ထွက်မသွားနိုင်ပါ

၂၀၀၃ ခုနှစ် ဇူလှိုင်လရဲ့ ၂၃ ရက်နေ့
မိုးသားများက မည်းမှောင်လို့နေသည်။
လောကကြီးရဲ့ အလင်းတရားကြီးကို အမှောင်သဖွယ် ဖုံးလွမ်းလိုက်သည့် မိုးသားတိမ်ရိပ်တို့ကား တဖြေးဖြေး လှုပ်ရှားသွားလာလျှက် ရှိသည်။

အချိန်ကား ညနေခင်း (၄)နာရီခန့်...၊ ဖြူဝင်းနေသော အသားအရည်ကို ပိုင်ဆိုင်လျှက် ချစ်စဖွယ် မိန်းကလေးတစ်ဦးကား မိုးသားတိမ်ရိပ်များ၏ ပြေးလွားလှုပ်ရှား နေမှုများကို ထရံကာ၊ ဓနိမိုး အိမ်တိုင်ခြေ လေးတိုင်ပါရှိသော တဲအိမ်ကလေး၏ ကွတ်ပစ်ပေါ်တွင် ထိုင်၍ မည်းမှောင်နေသော မိုးသားတိမ်ရိပ်များကို မျက်တောင်မခတ် မော့ကြည့်နေသည်။ ထိုအိမ်ကလေး၏ အနီးအနားတွင်လည်း ထရံကာ၊ ဓနိမိုး၊ တိုင်ခြေလေးလုံး ပါရှိသော တဲကလေးများက အစီအရင်ပင် ဆောက်ထားကာ လူအများနေထိုင် ကြပါသည်။ သို့သော် ထိုအိမ်ကလေးများ၏ မြေပြင်မှာမူ ညီညာခြင်း ကင်းမဲ့လှပေသည်။ တအိမ်နှင့်တအိမ် အနိမ့်အမြင့်များက ကွာခြားလှပေသည်။ သို့သော်လည်းပဲ ထိုအနီးတ၀ိုက်ရှိ တဲအိမ်လေးများသည် တအိမ်နှင့်တအိမ် ညီညာပြန့်ပြူးခြင်း မရှိစေကာမူ အိမ်တိုင်းတွင် နေထိုင်ကြကုန်သော လူများ၏ စိတ်ထဲတွင် ချမှတ်ထားသော ခံယူချက်များမူကား တသွေးထဲ တသားထဲ ညီညီညာညာ ရှိနေကြပေသည်။

“ဟေ့ အိမ်မက် နင်ဘာတွေကြည့်နေတာလဲ” အနောက်ဘက်မှ စကားသံတချက်ကြောင့် မိုးတိမ်တွေကို ထိုင်ကြည့်နေတဲ့ မိန်းကလေး ခဏတဖြုတ်မျှ ထိတ်လန့်သွားသော်လည်း
“ဘာမှမကြည့်ပါဘူး ခင်ဆီရယ်... ငါ ကောင်းကင်ကြီးတွေကို ကြည့်နေတာ”
“နင်ကဘာဖြစ်လို့ ကောင်းကင်ကြီးကို ကြည့်နေတာလဲ”
“ကောင်းကင်ကြီးကို ဘာဖြစ်လို့ကြည့်ရတာလဲလို့ မေးလာတဲ့ နင့်မေးခွန်းကို ငါလည်း ဖြေလို့မရဘူး ခင်ဆီ”
“ဟာ နင်ကလည်း ကောင်းကင်ကြီးကို ကြည့်တာတော့ သိတယ် ဒါပေမဲ့ ဘာဖြစ်လို့ ကြည့်တာလဲ ဆိုတာတော့ မသိဘူး”
“အေး လူဆိုတာ အဲ့ဒီလိုပဲဟ ကိုယ်လုပ်နေတာကိုတော့ သိကြတယ်.. ဒါပေမဲ့ ကိုယ်ဘာအတွက် လုပ်နေလဲ ဆိုတာတော့ မသိကြဘူး”
“နင့်ဟာ ဘာမှလည်း မဆိုင်ဘူး...၊ ဟိုမှာကြည့် မိုးဖွဲကျလာပြီ..၊ နင်အ၀တ်မရုပ်ဘူးလား”
“သြောအေ... ဟုတ်သားပဲ နင်ပြောလို့ တော်သေးတယ်..၊ နို့မဟုတ်ရင် ငါအတွေး လွန်နေတာနဲ့ပဲ အ၀တ်တွေ တခါပြန်လှန်းရဦးမယ်”
“ဒါနဲ့ နင်က ဘာတွေတွေးနေတာလဲ အိမ်မက်.၊ ဘာလဲ အချစ်အကြောင်းလား”
“အောင်းမယ် ကောင်မ ငါဘာလို့အချစ်ကြောင်း တွေးရမှာလဲ ”
“ဒါဆိုနင် ဘာတွေ တွေးနေတာလဲ”
“နင်တော်တော် စပ်စုတာပဲ ငါ့ဖာငါ ဘာတွေးတွေးပေါ့”

အိမ်မက်...၊ သူမ၏နာမည်မှာ အိမ်မက်ဖြစ်သည်..၊ ယခုလို ဆန်းပြားသည့် နာမည်ကို သူမချစ်လှစွာတဲ့ အဖေက ပေးထားသည်..၊ သူမ မနက်က အ၀တ်လျှော်ပြီးတော့ လှမ်းထားသည်။ သူမသည် အမြဲတမ်း တွေးတောစဉ်းစား လေ့ရှိသည်။ သူမစဉ်းစားတွေးခေါ်သည့် အကြောင်းအရာများမှာ အသက်ငယ်ရွယ်သော အမျိုးသမီးငယ် တစ်ဦး ဖြစ်ပါသော်လည်း အချစ်အကြောင်းကို သူမမတွေးပါ။ သူမနေထိုင်သော နေရာသည် ပစ္စည်းပစ္စယများ စုံလင်ခြင်း၊ ပြီးပြည့်စုံခြင်း မရှိသော်ငြားလည်း၊ အနေဆင်းရဲသော်ငြားလည်း ဘယ်သို့ဘယ်ပုံ ငွေရှာလျှင်ရမည့် စီးပွားရေးကိုလည်း သူမအနေဖြင့် စဉ်းစားနေခြင်း မဟုတ်ပါ။ သူမ နေ့စဉ်နေ့တိုင်း တွေးမြဲတွေးနေသည်ကား၊ စဉ်းစားမြဲ စဉ်းစားနေသည်ကား မိမိတို့တိုင်းပြည်ကို မတရား အုပ်ချူပ် ဗိုလ်ကျနေသည့် စစ်အစိုးရကို ဘယ်သို့ဘယ်ပုံ ပြုတ်ကျအောင် ဖြုတ်ချရမည်နည်း ဟူသော အတွေးများသာ သူမ၏ ဦးနှောက်အစိတ်အပိုင်း တစ်ခုက ပိုင်ဆိုင်ထားသည်။ နအဖစစ်အစိုးရ၏ ရက်စက် ကြမ်းကြုတ်မှုများကို သူမတင်သာမက မြန်မာလူမျိုး တမျိုးစုလုံးပင် သိရှိထားသည်။ သို့သော်လည်းပဲ နအဖစစ်အာဏာရှင်များ၏ မတရားကောက်ကျစ်မှုများက မြန်မာနိုင်ငံ ပြည်သူလူထု အချို့တို့၏ ခံစားချက်များ မထုတ်ဖော်နိုင်အောင် လုပ်ဆောင်ထားသည်။ အကယ်၍သာ မြန်မာနိုင်ငံတွင် နေထိုင်သော ပြည်သူလူထု ၈၀ ရာခိုင်နှုန်းခန့်သာ နအဖစစ်အစိုးရများကို အမျိုးမျိုး ဆန့်ကျင်ဆန္ဒပြကြလျှင် စစ်အာဏာရှင်များ မုချကျဆုံးရမည်ဟု သူမ၏ ဦးနှောက်က အလိုလိုလက်ခံထားသည်။ မြန်မာပြည်သူလူထုများ ထိုကဲ့သို့ ပြုမူလာအောင် မည်သို့မည်ပုံ ကြိုးစား လုပ်ဆောင်ရမည် ဟူသော အတွေးစတခုကို သူမအနေဖြင့် အမြဲတမ်း တွေးနေမိသည်။ တကယ်တော့ လူတစ်ယောက်ဆိုတာ မည်သူတစ်ဦးကိုမှ မလိုမုန်းစိတ်ထားများ မထားသင့်ပါ။ သူမကိုယ်တိုင်မှာလည်း ထိုကဲ့သို့သော သူတပါးအပေါ် မလိုမုန်းစိတ်ထားများကို မထားချင်ပါ။ သို့သော်လည်းပဲ တိုင်းပြည်တခုလုံး ကောင်းစားဖို့အရေးကို မမျော်ကိုးပဲ မိမိတို့ ကြီးပွားရေးကိုသာ ကြိုးစားနေသော နအဖ အာဏာရှင် ဆိုးကြီးများကို သူမအနေဖြင့် သနားညာတာစိတ်များ၊ ချစ်ခင်လေးစားစိတ်များ ဘယ်လိုပင်ထားထား ထား၍မရပါ။ တကယ်တော့ သူမနှင့် သူမမိသားစု ကိုယ်တိုင်မှာလည်းပဲ နအဖစစ်အစိုးရ အာဏာရှင်များ အုပ်ချူပ်နေသော စစ်တပ်များ၏ ညှင်းပမ်းနှိမ်စက်မှုများကြောင့် တခြားသော နိုင်ငံသို့ ပြေးဝင်ခိုလှုံခဲ့သည် မဟုတ်ပါလား..၊ ထို့ကြောင့် သူမနေထိုင်သော ဒေသနေရာကား ထိုင်းနိုင်ငံအတွင်းရှိ ဒုက္ခသည်စခန်း တခုပင် ဖြစ်ပါတော့သည်...၊xxxxxxxx
---------------------------------------------------------------------------------------------------------------

နေ့တွေရက်တွေ လတွေက အလွန် ကုန်မြန်လွန်းသည်ဟု အိမ်မက် စိတ်ထဲတွင် ထင်မိသည်။ နေ့တွေရက်တွေ လတွေကို သူမ အမြန်မကုန်စေချင်။ အဘယ်ကြောင့်ဆိုသော် နေ့ရက် လနှစ်များ လျှင်မြန်စွာ ကုန်ဆုံးခြင်းသည်နှင့် တစ်ပြိုက်နက် နအဖ စစ်အစိုးရတို့၏ အုပ်ချူပ်ခဲ့သော သက်တမ်းများ၏ အချိန်မှာလည်း ပိုပို၍ သက်တမ်းရှည်လာ လေလေ ဖြစ်သည်။ သူမ၏ စိတ်ထဲတွင် နအဖ စစ်အာဏာရှင်တို့၏ အုပ်ချူပ်မှု သက်တမ်းကို အမြန်ဆုံး ကုန်ဆုံးသည်ကို မြင်ချင်သည်။ စစ်အာဏာရှင် ကျဆုံးမည့် အလုပ်မှန်သမျှ ဆိုလျှင် ဘယ်အလုပ်မျိုးမဆို သူမလုပ်မည်ဟုလည်း ဆုံးဖြတ်ထားသည်။ စစ်အာဏာရှင်ခေါင်းဆောင်တွေကို ဗုံးနဲ့ခွဲရမလား၊ ဒါမှမဟုတ် မြန်မာပြည်ပြန်ပြီး ဆန္ဒပြနေတဲ့ အဖွဲ့တွေနှင့် သွားပြီးတော့ ပူးပေါင်းရမလား ပေးအပ်လာသည့် တာဝန်ကို ကျေပွန်စွာ ထမ်းဆောင်ဖို့ သူမ၏ စိတ်ထဲတွင် တစ်ထစ်ချ ဆုံးဖြတ်ထားသည်။ ယခုလက်ရှိ သူမ၏ အသက်မှာ ၁၈ နှစ် ရှိပြီ။ သူမ၏ ဘ၀မှာ သေမထူး နေမထူး မောင်ဘထူးလို ဖြစ်နေသည်။ အကြောင်းအရင်းမှာ သူမတွင် မိသားစုဝင် (၄)ဦး ရှိသည်။ သူမ ချစ်ခင်သော ဖေဖေ၊ မေမေနှင့် ညီမလေး နီလာနှင့် သူမပင် ဖြစ်သည်။ သို့သော် ထိုမိသားစု (၄)ဦးမှ (၂)ဦးမှာ နအဖ စစ်အာဏာရှင်တို့၏ လက်အောက်ခံ တပ်သားများက သူမတို့ ရွာတွင် သူပုန်များ ရှိသည်ဟုဆိုကာ မပြောမဆိုနှင့် သေနတ်ဖြင့် ၀င်ပစ်သွားခြင်းကြောင့် သူမချစ်လှစွာသော ဖေဖေနှင့် ညီမလေး နီလာမှာ ဓားစာခံဖြစ်သွားရ ရှာသည်။ ဒီလိုနဲ့ သူမနဲ့ မိခင်ဖြစ်သည် ဒေါ်အေးကြွယ်ကလည်း ရွာမှာ မနေရဲတော့တာနဲ့ ဒုက္ခသည် ဟူသော စခန်းကို ထွက်ပြေးခဲ့ရသည်။ မကြာပါ သူမ၏ မိခင်မှာလည်း ခင်ပွန်းနှင့် သမီးတို့၏ အဖြစ်ကို အစဉ်အမြဲ တွေးပြီး စိတ်ထိခိုက် လွန်သွားခြင်းကြောင့် အိပ်ရာထဲတွင် လဲနေသည်မှာ (၆) လပင် ရှိခဲ့လေပြီ။ ယခုတော့ သူမတစ်ယောက်ထဲသာ ကျန်တော့သည်။ လောကကြီးတွင် အသက်ဆက်လက် ရှင်သန်ဖို့ သူမမှာ မည်သူ့ဆီမှ ခွန်အားများကို မရနိုင်တော့ပါ။ ဖခင်နှင့် ညီမလေးတို့မှာလည်း နအဖစစ်တပ်များ၏ မစာနာ မထောက်ထားမှုကြောင့် ဘ၀တစ်ပါးသို့ ကူးပြောင်းသွားရှာပြီ။ မိခင်မှာလည်း မည်သည့်နေ့တွင် ဘာဖြစ်မည်ကို သူမမသိ။ တခါတရံ သူမအတွေးတွေထဲတွင် လောကကြီးကို အပြစ်ပုံချမိသည်။ သို့သော်လည်း ထိုသို့ပုံချခြင်းသည် အချည်းအနှီးသာ ဖြစ်သည်ဟူသော အတွေးစိတ်နှင့် ပြန်ချေပရသည်။ သူမဒီနေ့ ပထမဆုံး ကျောင်းတက်ရမည်။ သူမ ကျောင်းသွားရသည်ကိုလည်း စိတ်မဖြောင့်နိုင်ပါ။ အမေ့ရဲ့ ချောင်းတဟွတ်ဟွတ် ဆိုးနေသံကို သူမအမြဲတမ်း ကြားနေမိသည်။ သို့သော်လည်း သူမကျောင်းမသွားလို့ မဖြစ်။ သူမဖြစ်ချင်သော သတင်းထောက်ဖြစ်ဖို့ စာကြိုးစားမှရမည်။ သူမအနေဖြင့် မိခင်အတွက် စိတ်တော့ နဲနဲအေးရသည်။ အဘယ်ကြောင့်ဆိုသော် သူမတို့၏ အိမ်နားတွင် နေထိုင်သော အဒေါ်ကြီး လင်မယားမှာ သူမတို့ သားအမိကို ဆွေမျိုးရင်းချာ သဖွယ် ချစ်ခင်ကြသည်။ ထိုအဒေါ်ကြီး လင်မယားတွင် သားသမီး တစ်ဦးမျှပင် မရှိပါ။ ထို့ကြောင့် သူမကို သူတို့ရဲ့ သမီးအရင်း သဖွယ် ချစ်ခင်ကြသည်။ သူမကျောင်းတက်ဖို့ပင် ထိုအဒေါ်ကြီး လင်မယားက အစစအရာရာ ကူညီခဲ့သည်မဟုတ်ပါလား။

“ကျောင်းသာ စိတ်ဖြောင့်ဖြောင့်နဲ့သွား သမီးအိမ်မက်၊ သမီးအမေကို စိတ်မချမဖြစ်နဲ့ အဒေါ်တို့ရှိတယ်” ဟု ထိုအဒေါ်ကြီးကပင် အလိုက်တစ်သိ ပြောခဲ့သည် မဟုတ်ပါလား။ ထိုအဒေါ်ကြီး၏ ခင်ပွန်းသည်ကလည်း
“သမီးအိမ်မက် သမီးဖြစ်ချင်တဲ့ သတင်းထောက်ကြီးကို ဖြစ်အောင်ကြိုးစား၊ သမီးလိုအပ်တာကို သမီးအဒေါ်ကို ပြောပြ။ ပြီးတော့ သမီးအမေကိုလည်း စိတ်မချမဖြစ်နဲ့ သမီးအမေကို ဦးတို့ဖက်က တတ်နိုင်သမျှ ကုသပေးမယ်..၊ စာကိုသာ စိတ်ဖြောင့်ဖြောင့်နဲ့ ကြိုးစား ဦးတို့မှာ သားသမီးမရှိပေမဲ့ သမီးကို ဦးတို့လင်မယားက သမီးအရင်းလို ချစ်တယ်..၊ သမီးကလည်း ဦးတို့ကို မိဘအရင်းလို သဘောထား..၊ ကြားလာ... ဦးတို့ဖက်က တတ်နိုင်သလောက် သမီးကို ကူညီပေးမယ်”ဟု ပြောဆိုခဲ့သည်။

“ဟေ့ အိမ်မက် သူငယ်ချင်း ကျောင်းသွားမယ်လေ..၊ ကျောင်းတောင်တက်တော့မယ်..၊”
“ဟော သမီး ခင်ဆီတောင် လာနေပြီ ကျောင်းသွားတော့နော်”
“ဟုတ်ကဲ့ အဒေါ်၊ သမီးအမေ့ကို သွားပြောလိုက်ဦးမယ်”ဟု သူမ အိမ်ခန်းအတွင်းသို့ ၀င်သွားသည်။ သူမ၏ အမေ အိပ်နေသော အိပ်ရာသို့ ၀င်သွားကာ
“အမေ သမီး ကျောင်းသွားတော့မယ်နော်..၊ အမေ နေကောင်းအောင် နေနော်...၊ သမီးကျောင်းဆင်းတာနဲ့ အမြန်ပြန်လာခဲ့မယ်..၊”
မိခင်ရဲ့ အိုဇာနေတဲ့ မျက်နှာကို သူမ ကြည့်ပြီး စိတ်မကောင်း ဖြစ်နေမိတယ်။
“သမီး စာကြိုးစားနော်”ဟူသော မိခင်ရဲ့ တုန့်ပြန်သည့် စကားတစ်ခွန်းကို ကြားရပြီးနောက် မိခင်ကို ကန်တော့ကာ သူမ အိမ်ပြင်သို့ ထွက်လာခဲ့တော့သည်....။

ဖြစ်ပျက်ခဲ့ခြင်း

ကျွန်တော် စာမရေးဖြစ်တာ ကြာပါပြီ။ မရေးဖြစ်တာထက် မရေးနိုင်တဲ့ ရက်တွေက ကျွန်တော့်အတွက် ပိုများပါတယ်။ အခုတော့ ကျွန်တော် စာတွေ ပြန်ရေးနိုင်သလောက် ရေးနေပါပြီ။ ပျော်ရွင်ဖွယ်ရာ သင်္ကြန်အချိန်အခါလည်း ပြီးသွားပြီဆိုတော့ အားလုံးလည်း ကိုယ့်အလုပ်ကို ပြန်လုပ်ကြလိမ့်မယ်လို့ ကျွန်တော်ထင်ပါတယ်။ သင်္ကြန်ပြီးသွားတော့ရော ချစ်သူမရှိတဲ့ သူတွေ ရည်းစားတွေ ရသွားကြသေးလား။ ကျွန်တော်ကတော့ သင်္ကြန်အတွင်းမှာ ဥပုဒ် စောင့်မလားလို့ စဉ်းစားတုန်း ကျွန်တော့်ရဲ့ ချစ်မမက ဖုန်းဆက်လာတယ် ရှမ်းကလေး နင်မလာရင် ငါဒီတစ်သက် ယောက်ကျား မယူတော့ဘူးနော်တဲ့။ ကျွန်တော်ကလည်း ချစ်မမကို ယောက်ကျားအမြန် ယူစေချင်တာ ဒါမှလည်း အမွေတွေအကုန်လုံး ရမှာလေ။ ဟဲဟဲ အလားကားနောက်တာပါ။
သင်္ကြန်မှာ အားလုံး ပျော်ခဲ့ကြရဲ့လား။ နှစ်သစ်က အချစ်ဟောင်းတွေကို သင်္ကြန်ရေးနဲ့ ဆေးလိုက်ပြီဆိုရင်လည်း အချစ်သစ် ရှာချင်သူတွေအတွက်တော့ ရှမ်းကလေး ရှိသေးတာကို မမေ့ကြဦးနဲ့ပေါ့ဗျာ။ ကဲကဲ ကျွန်တော် စာသိပ်ရှည်ရှည်ကြီး မရေးတတ်ဘူးဗျ။။ ဒါဆိုဒီလောက်နဲ့ပဲ ကျော်လာတဲ့ သင်္ကြန်ရက်ကြီးတွေကို နှုတ်ဆက်လိုက်တယ်ဗျာ...။ အားလုံးသော ညီအကို ပေါင်းနှင့် တကွ ညီအမ၊ အဒေါ်၊ ဦးလေး တူဝရီးများလည်း ကျန်းမာ ချမ်းသာကြပါစေလို့ ကျွန်တော် ရှမ်းကလေးက ဆုမွန်ကောင်း တောင်းပေးလိုက်ပါတယ် ခင်ဗျား...။ ကျွန်တော် ၀တ္ထုတစ်ပုဒ် တင်ပေးလိုက်မယ်ဗျာ။ ကြိုက်ရင်တော့ ဖတ်ပေါ့ဗျာ..၊ မကြိုက်ရင်တော့ ခဲနဲ့ လှမ်းမထု နဲ့ပေါ့ဗျာ။ ကျွန်တော်နဲ့ သိတဲ့ ကိုကိုမမတွေကို ပြောတာပါ။ ကျွန်တော်နဲ့ လူချင်းမတွေ့ဖူးပဲ ခင်မင်ဖူးတဲ့ ကိုကိုမမ တွေကတော့ ဘယ်လိုလို့ ထုနိုင်မှာလဲံနော်။ သေနတ်နဲ့ ပစ်တောင်မထိဘူး။ ဟဲဟဲ
ရှမ်းကလေး