တိုင်းရင်းသားတို့ရဲ့အငြိမ့်သဘင် (အပိုင်း-၉)

ကိုချင်း။ ။ မင်္ဂလာရှိတဲ့ ညခင်းချိန်ခါ သာယာကာ ပျော်ရွင်ဖွယ်ရာ နေ့ကလေးပါ ညီလေးကိုကြီးတို့ရေ၊
ရှမ်းကလေး။ ။ ဟုတ်ပါ့ဗျာ.. ကိုချင်းရေ၊ ကြယ်တွေလတွေစုံလို့၊ လကြီးကထိန်ထိန်သာ၊ နေလုံးကြီးကလည်း ထိန်ထိန်လင်းလို့၊ ၀င်းပပြောင်လက်နေပြီတကား
ကိုချင်း ရှမ်းကလေးခေါင်းအား ထရိုက်
ကိုချင်း။ ။ မင်းကလည်း လုပ်ပြီ... အစပဲရှိသေးတယ်

ကိုကံသာ။ ။ ဟေ့ဟေ့... ဟေ့ကောင်တွေ၊ ရှောက်ပြီး မင်္ဂလာရှိတယ်လို့ သွားမပြောနဲ့ဦး
ရှမ်းကလေး။ ။ ဘာဖြစ်လို့လဲဗျ

ကိုကံသာ။ ။ သတင်းဆိုးပြောပြမလို့ပေါ့ကွ
ကိုချင်း ။ ။ လုပ်ပြီ..၊ မင်္ဂလာရှိတဲ့ သတင်းလေးကြားရမလားလို့.. စတာနဲ့လုပ်ပြီ
ရှမ်းကလေး။ ။ ဒါဆို ဘာသတင်းတုန်း
ကိုကံသာ။ ။ ဟိုဟာလေကွာ... အကျယ်ချူပ် ခံနေရတဲ့ နအဖစစ်ဗိုလ်ဟောင်းကြီး ခင်ညွန့်ကို နအဖစစ်ဗိုလ်ချူပ်ကြီးတွေက ပြန်လွတ်လိုက်ပြီိဆိုပဲ။
ကိုချင်း ။ ။ ဟေးပျော်လိုက်တာ..၊ ပျော်လိုက်တာ...
ကိုကံသာ။ ။ ခင်ညွန့်လွတ်လာတာ နင့်အဖေ လွတ်လာတာမို့လို့ အဲ့လောက်တောင် ပျော်ရလားဟ
ရှမ်းကလေး။ ။ ဟုတ်ပါ့ဗျာ.. အဲ့လောက်ဆိုးတဲ့ စစ်ဗိုလ်ချူပ်ဟောင်းကြီး လွတ်လာတာ သူမို့လို့ပျော်တယ်တဲ့၊ တသက်တကျွန်း ကျခံထားရတဲ့ ထောင်သားတစ်ယောက် ပြန်လွတ်ရင်တောင် သူ့ကိုပြန်လွတ်တာထက် တန်ဖိုးရှိသေးတယ်
ကိုချင်း။ ။ ဟာ မင်းတို့ ဘာသိလို့လဲ ငါ့အကိုတစ်ယောက်က ထောင့်လှမ်းရေးမှာ (၂) ပွင့်၊ ငါ့အကိုနာမည်က ဖင်ညွန့် မင်းတို့ ကြားဖူးလို့လား
ရှမ်းကလေး။ ။ ဒီမှာကိုချင်း ဖင်ညွန့်တွေ ခင်ညွန့်တွေ လာလုပ်မနေနဲ့ အားလုံးဖင်ကျွတ်သွားမယ်
ကိုချင်း။ ။ မင်းဟာ ဘာမှလည်း ဆိုင်ဘူး
ကိုကံသာ။ ။ ဟား မင်းတို့ကို ငါပြောပြရဦးမယ် ဗိုလ်ချူပ်ခင်ညွန့် လွတ်လာပြီဆိုလို့ မပြီးသေးဘူး သတင်းက နောက်တစ်ခု ရှိသေးတယ်
ရှမ်းကလေး။ ။ ဘာပြောမှာတုန်း
ကိုကံသာ။ ။ အခုငါတို့ မြန်မာနိုင်ငံမှာ ကျူရှင် နောက်တခု ထပ်တိုးလာပြီကွ
ကိုချင်း ။ ။ ခင်ဗျားဟာကလည်း ကျူရှင်တိုးလာတာ ကျွန်တော်တို့က ဘာလုပ်ရမလဲဗျ
ရှမ်းကလေး။ ။ ဟုတ်ပါ့ဗျာ.. ဘာလဲ ကိုကံသာက အိုကြီးအိုမနဲ့ ကျူပ်ရှင်သွားမလို့လား
ကိုကံသာ။ ။ ဟာ မင်းတို့ကလည်း ဒီကျူရှင်က အလားကားသင်ပေးတာ အသက်ကြီးတဲ့ လူတွေ မခေါ်ဘူးကွ.၊ လူငယ်လူရွယ်လေးတွေပဲ ခေါ်တာ
ကိုချင်း။ ။ ဟေဟုတ်လား..။ ဒါဆို သားသားက အခုမှ (၅)နှစ်
ကိုကံသာ။ ။ အေးပါဆိုနေမှ ပိုက်ဆံပေးစရာမလိုဘူးနော်
ရှမ်းကလေး။ ။ ဟား ဟုတ်လားဗျ ကိုကံသာရ၊ ဒါဆိုရင်တော့ ကျွန်တော်မယုံတော့ဘူးဗျာ..
ကိုချင်း။ ။ ဒါနဲ့ ခင်ဗျားကျူရှင်က ဘာကျူရှင်တုန်းဗျ၊ ပြီးတော့ ဘာတွေသင်တုန်း
ကိုကံသာ။ ။ ဗိုလ်လောင်းကျူရှင်လေကွာ
ရှမ်းကလေး။ ။ ရှောက်ပြော... ခင်ဗျားဟာ ဟုတ်လဲဟုတ်ဘူး
ကိုချင်း။ ။ ကိုကံသာ.။ ခင်ဗျားပြောတဲ့ ဗိုလ်လောင်းကျူရှင်က ဗိုလ်ကြီးတွေက သင်မဲ့သူတွေကို ပြည်သူလူထုတွေဆီကို ဘယ်လိုအနိုင်ကျင့်ရမလဲ ဘယ်လိုအမြတ်စားရမလဲ ဆိုတာတွေ သင်ပေးမှာပေါ့နော်။
ကိုကံသာ။ ။ ဟေ့ကောင်..၊ ဗိုလ်လောင်းကျူရှင်ဆိုမှတော့ ရှေ့တန်းမှာ ဘယ်လိုစစ်တိုက်ရမလဲ ဘယ်လို လုပ်ရမလဲ၊ အဲ့ဒါတွေသင်မှာပေါ့
ရှမ်းကလေး။ ။ ဟာကိုချင်း အဲ့ဒီတင်ပေးမဲ့ ဗိုလ်ချူပ်၊ ဗိုလ်ကြီးတွေက လဒ်စားနည်းတွေ သင်ပေးမလားဗျ ခင်ဗျားဘာတုန်း
ကိုကံသာ။ ။ အေးလေ ရှမ်းကလေးတောင်သိသေးတယ်
ရှမ်းကလေး။ ။ သူတို့က မသင်ပေးဘူး...၊ သူတို့ကိုယ်တိုင်ပဲ အဲ့ဒီ လဒ်စားတာတွေလုပ်တာ..၊ ထပ်သင်ပေးရင် မလောက်မှာကြောက်လို့တဲ့
ကိုချင်း။ ။ ဟာကိုကံသာ...၊ ဒါဆိုဗိုလ်လောင်းကျူရှင်တော့ မဟုတ်ဘူးဗျ..
ကိုကံသာ။ ။ ဘာကျူရှင်တုန်း
ကိုချင်း။ ။ တပ်သားကျူရှင်
ရှမ်းကလေး။ ။ ဟားခင်ဗျားဟာကလည်း မဟုတ်ပါဘူးဗျာ.. ကျောင်းမှာဆို သူငယ်တန်းတောင် သူများကျူရှင်မပေးဘူး..၊ ဘာလို့ တပ်သားတွေ ကျူရှင်ယူရမလဲ
ကိုချင်း။ ။ မင်းဘဲစဉ်းစားကြည့်လေ ဗိုလ်လောင်းကျူရှင်ဆို ဗိုလ်လောင်းတွေပဲ စစ်တိုက်ရ မှာပေါ့၊ တပ်သားတွေ ဘယ်တိုက်ရမလဲ။ အခုငါတွေ့တာကတော့ ဗိုလ်တွေက အိပ်နေပြီး တပ်သားတွေက ကြိတ်နေရတာပဲ တွေ့နေရတာ...
ကိုကံသာ။ ။ ရှောက်ပြောတော့မယ်
ရှမ်းကလေး။ ။ ကဲကဲ အကိုတို့ရေ... ကျွန်တော်တို့တင်ပဲ ဖျော်ဖြေလို့လဲ တိုင်းရင်းသားတို့ရဲ့ အငြိမ့်သဘင်ကြီးက ပြီးပြည့်စုံမှာ မဟုတ်သေးဘူး
ကိုကံသာ။ ။ ဟုတ်တာပေါ့ကွာ...
ကိုချင်း။ ။ အေးပေါ့ ဟုတ်တာပေါ့ကွာ... မင်းသမီးလေးလည်း အလှည့်ပေးဦးမှပေါ့
ကိုကံသာ။ ။ ကဲမောင်ရှမ်းရေ မင်းသမီး ချောရတနာလေးကို ခေါ်လိုက်ပါဦးကွ
ရှမ်းကလေး။ ။ ကျွန်တော်က ခေါ်ရမယ်
ကိုချင်း ။ ။ မင်းကမခေါ်ဘူးလား
ရှမ်းကလေး။ ။ ခေါ်မှာပေါ့
ကိုကံသာ။ ။ ခေါ်ကွာ
ရှမ်းကလေး။ ။ ကဲ အလှသကာတို့ရဲ့ ထိတ်ခေါင်
ပန်းတကာက တင်းစားထားတဲ့ ရှင်ဘုရင်မလေး
လူတကာက ချစ်မြတ်နိုးတယ်ဆိုတဲ့ ချောရတနာလေး
ရှမ်းကလေးကိုချစ်တဲ့ ချောရတနာလေး
ပရိတ်သတ်တွေကို ဖျော်ဖြေရလေအောင်
မော်ဒယ်ကေလေးနဲ့ ထွက်လာစေသတည်း...
ကိုချင်း ရှမ်းကလေးခေါင်းအား ပြေးရိုက်
ကိုချင်း။ ။ မင်းဟာ လျှောင်ပြောတော့မယ် ဟိုမှာကြည့် ရတနာလေး ရှက်သွားပြီတွေ့လား လာရတာနာလည်း ရတာနာလေး ရှက်သွားတာ သူများမတွေအောင် ကိုချင်းရင်ခွင်ထဲမှာ ငုံ့ပြီးပုန်းနေ
ကိုကံသာ။ ။ မင်းဟာ ဘာမှလည်း မဆိုင်ဘူး..
မင်းသမီး။ ။ အကိုတို့ရေ.. ရတနာက ပရိတ်သတ်ကြီးကို ဖျော်ဖြေရမယ် မဟုတ်ပါပေဘူးလားရှင်..
ကိုကံသာ။ ။ ဟုတ်တာပေါ့ ငါ့ညီမရေ..
ကိုချင်း။ ။ ဒါနဲ့ ငါ့ညီမက ဘာသီချင်းနဲ့ ပရိတ်သတ်ကြီးကို ဖျော်ဖြေမှာလဲဟင်
ရတနာ။ ။ ဒီတခါမှာတော့ ညီမက အဆိုရှင် ဒေါ်မာမာအေး သီဆိုထားတဲ့ အသဲနာကမ္ဘာမကျေ ဆိုတဲ့သီချင်းနဲ့ စစ်အာဏာရှင်ဆိုးကြီးရဲ့ ဖိနှိမ်မှုတွေကို ပြည်သူလူထုတွေနဲ့ နိုင်ငံတကာကပါ မမေ့ပျောက်ရလေအောင် သီဆိုပြီး ကပြဖျော်ဖြေဖို့ ဆုံးဖြတ်ထားပါတယ် အကိုတို့ရေ..။
ရှမ်းကလေး။ ။ ကဲညီမလေးရတနာ မင်းတတ်နိုင်သလောက် ကိုယ့်တိုင်းပြည်အတွက် ကြိုးစားပေးတဲ့အတွက် တို့ဖက်က အလွန်ပဲ ၀မ်းသာပါတယ်ကွာ.. ကဲကဲကဲ စလိုက်ကြရအောင်

မှတ်ချက်။ ။ အားလုံးသော စာဖတ်ပရိပ်သတ်များ အသဲနာ ကမ္ဘာမကျေ သီချင်းအား ကြားဖူးကြမယ် ထင်ပါတယ်။

ပြီးပါပြီ

ရှမ်းကလေး

စမတ်က်... ဘယ်လမ်းရွေးမလဲ?

သြော...သြော လူရယ်လို့ဖြစ်လာရင်တော့ ကိုယ့်ဘ၀တခုတည်းသော အကျိုးစီးပွားကို ကြည့်တတ်ကြပါတယ်။ ကိုယ့်စီးပွားအကျိုးကိုသာ အောင်မြင်တိုးတက်အောင် စွမ်းဆောင်ပေးတဲ့၊ အထောက်အကူဖြစ်တဲ့ လူတစ်စု၊ ဒါမှမဟုတ် အာဏာတစု စတဲ့စတဲ့ လူတွေရဲ့ ရှေ့မှာ မဆင်ခြင်၊ မစဉ်းစားပဲ ထိုသူတို့ရဲ့ မကောင်းကွက်တွေကို ဖုံးဖိက မဟုတ်တာတွေ ပြောဖြစ်ခဲ့တဲ့ သူတွေထဲက လူတစ်ဦးကတော့ ထိုင်းဝန်ကြီးချုပ် စမတ်က် ဆွန်ဒရာဝဲ (Samak Sundaravej) ပဲ ဖြစ်ပါတော့တယ်။
ထိုင်းနိုင်ငံဟာ ဘယ်လောက်ပဲတိုးတက်နေပါစေ၊ ဘယ်လောက်ပဲ မြန်မာနိုင်ငံထက် ခေတ်မှီနေပါစေ ထိုင်းဝန်ကြီးချူပ်တချို့ကတော့ မြန်မာနိုင်ငံရဲ့ ခေါင်းဆောင်တွေကို မြှောင့်ပင့်ပြောဆိုနေကြ တာတွေ၊ ပစ္စည်းလိုသော် ပစ္စည်းပိုင်ရှင်ကိုတော့ ဖားတတ်တဲ့ သူတို့တတွေရဲ့ အကျင့်တွေကို ယခုထက်ထိ ဖျောက်ဖျက်သေးတာ မတွေ့ရသေးပါဘူး။ မြန်မာစစ်အစိုးရတွေကလည်း လည်ပါတယ်။ ထိုင်းတွေအပေါ်မှာ (ဥပမာ- ထိုင်းဝန်ကြီးချူပ် တက်ဆင်၊ ယခုလက်ရှိ ထိုင်းဝန်ကြီးချူပ်၊ စမတ်က် ဆွန်ဒရာဝဲ) စသူတွေရဲ့ အကြောင်းတွေကို လေ့လာစုံစမ်းပြီးမှ တွေ့ဆုံဆွေးနွေးတာတွေ လုပ်တတ်ကြပါတယ်။ ဗိုလ်ချူပ်ခင်ညွန့်ကတောင် ထိုင်းဝန်ကြီးချုပ်သစ် စမတ်က် ဆွန်ဒရာဝဲ (Samak Sundaravej) ရဲ့ဆရာဖြစ်တဲ့ ထိုင်းဝန်ကြီးချူပ်ဟောင်း တက်ဆင်ဆီကတောင် ထိုင်းဘတ်သန်း (၂၀) ချီးသွားတာကိုပဲ ကြည့်ကြပါ။ ထိုင်းဝန်ကြီးချူပ်တွေရဲ့ နိုင်ကွက်တွေကို အမိဖမ်းပြီးမှ အကျပ်ကိုင်တာတွေ၊ ထိုင်းတွေစီးပွားရေး အကွက်ကောင်းနိုင်တဲ့ ဟိုဂိတ်ပိတ်၊ ဒီဂိတ်ပိတ် လုပ်ပြလိုက်ရင် ထိုင်းတွေ ဘယ်လိုဖြစ်သွားမလဲ ဆိုတာတွေကို သေချာစဉ်းစားအကွက် ချပြီးသား ဖြစ်ပါတယ်။ အရင်တက်ဆင် အစိုးရလက်ထက်တုန်းက ထိုင်းနဲ့ မြန်မာနိုင်ငံဟာ အချင်းချင်း တင်းမာမှုလေးတွေ ရှိတတ်ကြပါတယ်။ သို့ပေမဲ့လည်း ထိုတင်းမာမှုတွေကို ထိုင်းတွေဖက်ကပဲ ပြန်လည်အလျှော့ပေး လိုက်နာလိုက်ရတာတွေ ကတော့ ပိုပြီးတော့ များနေပါတယ်။ ဒါပေမဲ့ ထိုင်းဝန်ကြီးချုပ် စမတ်က် ဆွန်ဒရာဝဲ (Samak Sundaravej) ကတော့ မြန်မာနိုင်ငံကို ပထမဦးဆုံး ခရီးစဉ်မှာ နအဖစစ်အစိုးရတွေကို ချီးမွန်းပြောဆို လိုပါပြီ။

အခုတခါ မြန်မာနိုင်ငံကို အလည်သွားတဲ့ ထိုင်းဝန်ကြီးချူပ်ဟောင်း တက်ဆင်ရဲ့ တပည့်တော် ထိုင်းဝန်ကြီးချုပ် စမတ်က် ဆွန်ဒရာဝဲ (Samak Sundaravej) ကတော့ ပြီးခဲ့တဲ့ စက်တင်ဘာအရေးခင်းတုန်းက ရဟန်းသံဃာတော်တွေကို ရက်ရက်စက်စက် သတ်ဖြတ်နှိမ်နင်းခဲ့ရာမှာ အမိန့်ပေးကြိုးကိုင်ခဲ့တဲ့ နအဖစစ်အစိုးရ ခေါင်းဆောင် စစ်ဗိုလ်ချူပ်ကြီး သန်းရွေကို ဗြောင်ဗြောင်တင်းတင်းပင် ထိုင်းဝန်ကြီးချုပ်က မြန်မာပြည်သည် ဗုဒ္ဓဘာသာနိုင်ငံ ဖြစ်သလို ဗိုလ်ချုပ်မှူးကြီးနှင့် စစ်ခေါင်းဆောင်များသည် ဗုဒ္ဓဘာသာ ပီသစွာ တရားမှန်မှန်ထိုင်တယ်လို့ ချီးကျူးပြောဆိုခဲ့ပါတယ်။ ကျွန်တော်အနေနဲ့ မေးလိုက်ချင်ပါတယ်။ ထိုင်းဝန်ကြီးချူပ်ရဲ့ အိမ်မှာ တီဗွီလေး တလုံးလောက်တောင် မရှိဘူးလားလို့။ ထိုင်းဝန်ကြီးချုပ် စမတ်က် ဆွန်ဒရာဝဲ (Samak Sundaravej) ရဲ့ ပြောကြားသွားတဲ့ မဟုတ်မမှန် စကားတွေကို လူသားမှန်ရင် ဘယ်သူမှ လက်ခံမှာမဟုတ်ပါဘူး။ ထိုင်းရဲ့ ၀န်ကြီးချူပ်ကိုယ်တိုင်က မဟုတ်တာတွေ လျှောက်ပြောသွားတဲ့ အခါမှာလည်း ထိုင်းနိုင်ငံရဲ့ ရှေ့ခရီးလမ်းကိုလည်း ကျွန်တော်ရင်လေးနေမိပါတယ်။ ထိုင်းနိုင်ငံထဲမှာ လုပ်ကိုင်စားသောက်နေထိုင်နေတဲ့ မြန်မာလူမျိုးများအတွက် ပိုပြီးတော့ စိုးရိမ်မိမယ်ဆိုလျှင် ပိုမှန်ပါလိမ့်မယ်။

ထိုင်းဝန်ကြီးချူပ်ဟာ ဗုဒ္ဓဘာသာဝင် တစ်ယောက် ဟုတ်လား၊ မဟုတ်ဘူးလား ဆိုတာကတော့ ကျွန်တော်မသိပါ။ ဒါပေမဲ့ ကျွန်တော်မေးမဲ့ ဒုတိယ မေးခွန်းကတော့ ထိုင်းဝန်ကြီးချူပ်ဟာ တရားထိုင်တာကော သိလို့လားလို့ ထပ်ပြီးတော့ မေးချင်ပါတယ်။ တရားထိုင်ရုံနဲ့ ကောင်းမွန်တဲ့ အစိုးရဖြစ်မယ်ဆိုလို့ရှိရင် နအဖစစ်အစိုးရတွေ၊ တရုတ်အစိုးရတွေ၊ စစ်အာဏာရှင်ကြီးတွေဟာ တနေကုန် လူတွေရှေ့မှာ တရားပဲထိုင်နေတော့မှာပေါ့။

ထိုင်းဝန်ကြီးချူပ်ရဲ့ ပြောဆိုမှုတွေဟာ လက်မခံနိုင်စရာတွေဖြစ်နေလို့လည်း မြန်မာဒီမိုကရေစီအရေး လှုပ်ရှားနေတဲ့ ခေါင်းဆောင်တွေတင်မက ထိုင်းနိုင်ငံရဲ့ ခေါင်းဆောင်တစ်ဦးဖြစ်တဲ့ အာဆီယံအတွင်းရေးမှူး ချုပ် ဆူရင်း ပစ်တ်ဆူဝန် (Surin Pitsuwan) ကိုယ်တိုင်က မြန်မာ့နိုင်ငံရေးအခြေအနေကို အလေးအနက် နားလည်ဖို့လိုပြီး အကဲဆတ်မှုကို လေးစားဖို့လိုတယ်လို့ ထိုင်းဝန်ကြီးချုပ် စမတ်က် ဆွန်ဒရာဝဲ (Samak Sundaravej) ကို သတိပေးပြောကြားခဲ့ကြောင်းကို သတင်းဌာနအသီးသီးက ကျွန်တော် ဖတ်ရှုခဲ့ရပါတယ်။

ထိုင်းဝန်ကြီးချုပ်ရဲ့ပြောဆိုချက်အပေါ် ထိုင်းနိုင်ငံမှာပဲ ဒီကနေ့ထုတ်ဝေတဲ့ The Nation သတင်းစာ အယ်ဒီတာ့အာဘော်မှာလည်း အပြင်းအထန် ဝေဖန်ထားပါသေးတယ်။ ထိုင်းဝန်ကြီးချုပ်ရဲ့ စကားတွေဟာ ထိုင်းနိုင်ငံရဲ့အတွေ့အကြုံနည်းပါးမှုနဲ့ သူ့ရဲ့ မဆင်မခြင် ပြောဆိုတတ်တွေကို ဖော်ပြနေပါတယ်လို့ ရေးပြ ထားပါတယ်။ မှန်ပါတယ်။ အခုမှ တက်လာတဲ့ ထိုင်းဝန်ကြီးချူပ်ဟာ နအဖတွေကို ချီးမွန်းပြောဆို လိုက်တာဟာ ကောင်လေးတစ်ယောက်က အခုပဲတွေ့၊ အခုပဲမြင်တဲ့ ကောင်မလေး တစ်ယောက်ကို စချစ်လိုက်တဲ့ သဘောပါပဲ။ ဘယ်နေ့ဘယ်ချိန်မှာ ဘာတွေဖြစ်မယ်၊ နောက်မှာဖြစ်ပေါ်လာမဲ့ ဆိုးကျိုးရလဒ် တွေကို သူလုံးဝ မစဉ်းစားတော့ပါဘူး။ သိပ်မကြာပါဘူး။ သူဒါ ဒီတိုင်းရှေ့ဆက်သွားမယ် ဆိုရင်တော့ သူဟာနာမည်ဆိုး စာရင်းဝင်အတွင်း ရောက်သွားမယ် ဆိုတာကို ကျွန်တော် လုံးဝကို အကြွမ်းမဲ့ ယုံကြည်မိပါတယ်။ ထိုင်းဝန်ကြီးချူပ်တာ ကိုယ်ကျိုးစီးပွားရေး တခုထဲပဲကြည့်ပြီး မြန်မာနိုင်ငံရဲ့ ယခုလက်ရှိ ဖြစ်ပေါ်နေတဲ့ နိုင်ငံရေးအခြေအနေတွေကို မစုံစမ်း၊ မလေ့လာ၊ မစူးစမ်းပဲ ကိုယ့်နိုင်ငံရဲ့ ပြည်သူလူထုတင်မကပဲ ဗုဒ္ဓဘာသာဝင်တွေရဲ့ ကိုးကွယ်ဆည်းပူး ရိုသေတဲ့ ရဟန်းသံဃာတော်တွေကို ရက်ရက်စက်စက် ဖမ်းဆီးထောင်ချ သတ်ဖြတ်နေတဲ့ နအဖစစ်အစိုးရ အာဏာရှင်တွေကို အကြိမ်ကြိမ် ချီးမွမ်းပြောဆို နေမယ်ဆိုရင်လည်း နိုင်ငံတကာကပါ သာမက ထိုင်းနိုင်ငံက ထိပ်သီးခေါင်းဆောင်များနှင့် ထိုင်းသတင်းဌာန အသီးသီးများကပင် ထိုင်းဝန်ကြီးချူပ် စမတ်က် ဆွန်ဒရာဝဲ (Samak Sundaravej)ကို ဝေဖန်တိုက်ခိုက်ပြောဆိုလိမ့်မည်မှာ သူ့ရဲ့ နအဖစစ်အစိုးရအပေါ် မဟုတ်တရား ချီးမွန်းပြောဆိုခဲ့တဲ့ မြန်မာပြည်ကအပြန် ပထမအဆုံးအကြိမ် စတင်ဝေဖန်ခံရတဲ့ အချက်ကို ကြည့်ရင်သိနိုင်ပါတယ်။

စမတ်က် ဆွန်ဒရာဝဲ (Samak Sundaravej)က စီးပွားရေးရဲ့ အရင်းအမြစ်တွေကိုသာ လောဘစိတ် ထားပြီး ဝေဖန်မှုတွေကို ဂရုမစိုက်ဘဲ ရှေ့ဆက်နအဖစစ်အစိုးရတွေကို ကာကွယ်ပြောဆိုသွားမလား၊ ဒါမှမဟုတ် ခဲနဲ့ပေါက်ပစ်ခံရလိုက်တဲ့ စာသူငယ်လိုပဲ ငြိမ်နေမလားဆိုတဲ့ လမ်းနှစ်ခုထဲမှာ ဘယ်လမ်းရွေးမယ် ဆိုတာကို တော့ နောက်တော့ တဖြေးဖြေးနဲ့ တရေးရေး ပေါ်လာပါလိမ့်မယ်။ ။

ရှမ်းကလေး