နိုင်ငံခြားသို့ ဆံပင်တင်ပို့မှု အခွန်ကောက်တော့မည်

Irrawaddy
လွင်ကျော် ဒီဇင်ဘာ ၂၅၊ ၂၀၀၇
စီးပွားရေးအကျပ်အတည်းကြောင့် မြန်မာအမျိုးသမီးများ၏ ဆံပင်များဖြတ်၍ တရုတ်နိုင်ငံသို့ တင်ပို့ရောင်းချမှုအပေါ် စစ်အစိုးရက အခွန်ကောက်ခံရန် ပြင်ဆင်နေကြောင်း သိရှိရသည်။မြန်မာနိုင်ငံမှ တရုတ်နိုင်ငံသို့ ဆံပင်တင်ပို့မှု အထူးမြင့်တက်နေသောကြောင့် အခွန်ကောက်ခံနိုင်ရန်အတွက် ဆံပင်ကို မြန်မာပို့ကုန် အမည်သစ်စာရင်းတွင် ထည့်သွင်းတော့မည် ဖြစ်သည်ဟု စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနမှ အကြီးတန်းအရာရှိတဦးက ပြောဆိုသည်။
Photo: The Irrawaddy
တနေ့တခြားကျပ်တည်းလာသော စီးပွားရေးအခြေအနေများကြောင့် မြန်မာအမျိုးသမီးများအကြားတွင် အမြတ်တနိုးထားရာ ဆံပင်များကို ဖြတ်ရောင်းချမှုများ များပြားလာပြီး ယင်းဆံပင်များကို တရုတ်နိုင်ငံသို့ တင်ပို့ရောင်းချခြင်း ဖြစ်ကြောင်း ဆံပင် အရောင်းအ၀ယ်သမားများက ပြောပြကြသည်။ ဆံပင်အရှည်များကို စုစည်းဝယ်ယူသည့် ကုန်သည်များက ငွေကျပ်သိန်း ရာချီပေးဝယ်ကြပြီး တရုတ်နိုင်ငံသို့ တင်ပို့ကြခြင်း ဖြစ်သည်ဟုလည်း ဆိုသည်။
“အလျင်တုန်းက တနေ့ကို အမျိုးသမီး ၁၀ ဦးလောက်ပဲ ဆံပင်လာရောင်းကြတယ်၊ အခု တနေ့ကိုအမျိုးသမီး ၄၀ လောက် ဆံပင်လာရောင်းတယ်၊ အများစုက မပြေလည်လို့ လာရောင်းကြတာ”ဟု လှိုင်သာယာ မီးခွက်ဈေးတွင် ဆံပင်အ၀ယ်ဆိုင် ဖွင့်ထားသူတဦးက ပြောသည်။
ယခင်က ဆံပင်အ၀ယ်ဆိုင်များကို လှိုင်သာယာမီးခွက်ဈေးတွင်သာ အများဆုံးတွေ့ရှိရသော်လည်း ယခုအခါ ရွှေပြည်သာ၊ သာကေတ၊ လှော်ကား၊ အင်းစိန်ကဲ့သို့သော အခြေခံလူတန်းစား အများအပြား နေထိုင်သည့် မြို့ဆင်ခြေဖုံးများရှိ ဈေး၊ ဆိုက်ကားဂိတ်၊ ကားဂိတ် စသည့် လူစည်ကားရာနေရာများတွင် ဆံပင်ရှည် ဈေးကောင်းပေးဝယ်သည်ဆိုသော ဆိုင်းဘုတ် ကြီးများကို ချိတ်ဆွဲကာ ဆိုင်များအပြိုင်အဆိုင် ဖွင့်လှစ်နေကြကြောင်း သိရသည်။
“၂၀၀၆ နှစ်ကုန် လောက်တုန်းက အင်းစိန်ဈေးနားမှာ ဆံပင်အ၀ယ်ဆိုင်ဆိုလို့ ကျမဆိုင်အပါအ၀င် သုံးဆိုင်လောက်ပဲရှိတာ၊ အခုဆိုရင် ဆိုင်ပေါင်း ၂၀ ကျော်သွားပြီ” ဟု အင်းစိန်ဈေးရှိ ၀င်းတမန် ဆံပင်အ၀ယ်ဆိုင်ပိုင်ရှင် မအေးသောင်းက ဆိုသည်။
မြန်မာ အမျိုးသမီးများအကြား ဆံပင်ရှည်ဖြတ်ရောင်းချခြင်းမှာ လတ်တလော ဖြစ်ပေါ်နေသော အကျပ်အတည်းများကို ဖြေရှင်းနိုင်သည့် နည်းတခုသဖွယ် အသွင်ဆောင်လာကြောင်း၊ ဆံပင်ရှည်များမှာ စီးပွားရေးကုန်စည်တခု သဖွယ်ဖြစ်လာ ကြောင်း လှိုင်သာယာ မီးခွက်ဈေးမှဆံပင် အ၀ယ်ဆိုင်များက ပြောသည်။
“ဆံပင်အရှည်ကိုလိုက်ပြီး ဈေးဖြတ်ရတာပါ၊ ဥပမာ ၁၈ လက်မဆံပင်ရှည် တကျပ်သားကို ၁၇၀၀ ပေးတယ်၊ လက်မ ၂၀ ဆံပင်ဆိုရင် ၂၂၀၀ ပေးတယ်၊ အရမ်းရှည်တဲ့ဆံပင်မျိူးတွေ ဆိုရင်တော့ တကျပ်သား ၃၀၀၀ လောက် ပေးပါတယ်”ဟု အဆိုပါ လှိုင်သာယာမီးခွက်ဈေးမှ ဆံပင်အ၀ယ်ဆိုင် တဆိုင်က ရှင်းပြသည်။
ယင်း လှိုင်သာယာမီးခွက်ဈေး ဆံပင်အ၀ယ်ဆိုင်ကပင် “ကျနော်က ကုန်သည်တွေကို ဆံပင်မရောင်းဘူး၊ ၀ယ်ထားပြီးသား ဆံပင်ရှည်တွေကို ပိဿာ ၂၀၊ ၃၀ လောက်ရအောင်စုတယ်၊ ပြီးမှ မူဆယ် ၁၀၅ မိုင်သွားပြီး ဆံပင်လာဝယ်တဲ့ တရုတ် ကုန်သည်တွေကို ရောင်းလိုက်တယ်၊ အဲဒီလိုရောင်းတော့ အမြတ်ပိုများတယ်၊ ပိဿာ၂၀ လောက် ရောင်းလိုက်ရင် သိန်း ၄၀-၅၀ လောက်ကတော့ ပြေးမလွတ်ဘူး၊ ဆံပင်လုပ်ငန်းက အရမ်းမြတ်တာ”ဟု ပြောသည်။
သို့ဖြင့် ယင်းဆံပင်ရှည် အရောင်းအ၀ယ်လုပ်ငန်းတွင် မရိုးသားသော နည်းလမ်းများကိုသုံးစွဲ၍ ဆံပင်ဝယ်ယူမှုများလည်း ပြုလုပ်လာကြောင်း သာကေတ မြို့နယ်မှ ဆံပင်ရှည် ရောင်းဝယ်သူတဦးက ဆိုသည်။
“အလေးခိုးတာပေါ့၊ ဆံပင်ဝယ်တဲ့အခါမှာသုံးတဲ့အလေးကို အလေးချိန်များအောင် လုပ်ထားတဲ့နည်းပေါ့၊ ကျနော်ကတော့ အလေးမခိုးဘူး၊ မရှိလို့ ဆံပင်ရှည်ဖြတ်ရောင်းတဲ့လူကို အလေးခိုးမယ်ဆိုရင် မြေနိမ့်ရာ လှံစိုက်သလို မျိုးဖြစ်နေမှာပေါ့”ဟု ၎င်းက ပြောသည်။
အဆိုပါ သာတေမြို့နယ်မှ ဆံပင်ရောင်းဝယ်သူကပင် ဆက်လက်ပြီး “လုပ်စရာအလုပ်မရှိလို့သာ ဆံပင်ဝယ်ရောင်း လုပ်နေ ရတာ၊ လူတွေအရမ်းဆင်းရဲနေကြပြီဗျာ၊ အရမ်းသနားဖို့ကောင်းတယ်၊ တချို့ကလေးမလေးတွေဆိုရင် အပျိူလေးတွေ၊ ဒါပေမယ့် ပိုက်ဆံမရှိတော့လည်း ငွေရဖို့ သူတို့ဆံပင်လေးတွေ ဖြတ်ရောင်းကြတယ်၊ တချို့ဆိုရင် ဆံပင်ရှည်ရောင်းလို့ရတဲ့ ပိုက်ဆံရေတွက်ရင်း မျက်ရည်တွေကျလို့ဗျာ”ဟုလည်း ပြောပြသည်။
“အရင်တုန်းက ယောင်္ကျားတို့ဘုန်း လက်ရုံး၊ မိန်းမတို့ဘုန်း ဆံထုံးဆိုပြီး ဆိုရိုးစကားရှိတယ်၊ အခု ဘုန်းရှိဖို့ထက် အိမ်က ဆန်အိုးထဲမှာ ဆန်ရှိဖို့အရေးကြီးတယ်”ဟု ကိုယ်တိုင် ဆံပင်ရှည်ဖြတ်ရောင်းသူ အသက် ၃၂ နှစ်ရှိ သာကေတမြို့နယ် မှ အိမ်ရှင်မတဦးက ဆိုသည်။
ဆံပင် ရှည်ရောင်းဝယ်သည့်လုပ်ငန်းမှာ တရုတ်နိုင်ငံမှ ၀ယ်လိုအား အလွန်များပြားလာသည့်အတွက် ပိုမိုအလုပ်ဖြစ်လာ ဖွယ်ရှိကြောင်း ရန်ကုန်တွင်ဆံပင်များ လာရောက်ဝယ်ယူနေသည့် မူဆယ်မြို့မှ ကုန်သည်တဦးက ပြောသည်။ယခုအခါ ရန်ကုန်မြို့ အနီးဝန်းကျင်မြို့နယ်များတွင် ဆံပင်အ၀ယ်ဆိုင် ၄၀၀ ကျော်ရှိနေကြောင်း သိရှိရသည်