“အဝေးဆုံးသို့ ထွက်မသွားနိုင်ပါ” (ဇာတ်သိမ်းပိုင်း)

ရက်တွေလတွေ ပြောင်းလဲသွားကုန်သည်..၊ အိမ်မက်ဖြစ်ချင်သော သတင်းထောက်ကြီးလဲ ဖြစ်ချေပြီ။ ယခုလက်ရှိ အိမ်မက် နေထိုင်သည့် နေရာမှာလည်း ထိုင်းနိုင်ငံ မြန်မာနိုင်ငံသားများ အများစု နေထိုင်ရာ မယ်ဆောက်မြို့ ကလေး မြို့တစ်မြို့၏ ရပ်ကွက် တစ်ခုတွင် ဖြစ်သည်။ ရက်တွေ လတွေ ပြောင်းလဲသွားသလို အိမ်မက်ရဲ့ ဘ၀ကိုလည်း လောကဓံကြီးက ဗြောင်းဆံအောင် ပြောင်းလဲပစ်လိုက်သည်။ လောကဓံကြီးရဲ့ နှိပ်စက်မှုကြောင့်လား၊ ဘ၀ပေးကံ မကောင်းခြင်းကြောင့်လားမသိ အိမ်မက်ဆိုသည့် ကောင်မလေးတစ်ယောက်၏ အချစ်ရဆုံး မွေးမိခင် မေမေလည်း ဘ၀တစ်ပါးသို့ ကူးသွားရှာလေသည်။

အိမ်မက်ရဲ့ မွေးမိခင် ဆုံးပါးသွားခြင်းသည့် အချိန်နှင့် တပြိုင်နက် အိမ်မက်မှာလည်း ဒုက္ခသည်တွင် ကျောင်းပညာ သင်ယူရာတွင် မြန်မာနိုင်ငံတွင် တက္ကသိုလ်ဟုခေါ်သော ဒုက္ခသည်တွင် အမြင့်ဆုံး ကျောင်းကိုလည်း သူမ အောင်မြင်စွာ ပြီးဆုံးသွားခြင်းဖြစ်သည်။ တိုက်ဆိုင်မှု တစ်ခုလားတော့မသိ သူမ စာမေးပွဲ ဖြေသည့်နေ့တွင်ပင် မိခင်ဖြစ်သူ အသည်းအသန်ဖြစ်ကာ ဒုက္ခသည်ရှိ ဆေးခန်းကလေးတွင် ဆေးကုသမှု ခံယူလိုက်ရသည်။ ထိုနေ့သည် အိမ်မက်ရဲ့ အပျော်ဆုံးနေ့ဖြစ်သလို အိမ်မက်အတွက် အထီးကျန် ဖြစ်သွားအောင် ပြုလုပ်လိုက်သော နေ့တစ်နေ့လဲ ဖြစ်နိုင်ပေသည်။ အကြောင်းမူကား မိခင်ဖြစ်သူမှာ ထိုနေ့တွင်ပင် ဒုက္ခသည် ဆေးရုံကလေး၌ ဆုံးပါးသွားခြင်းကြောင့် ဖြစ်သည်။ နောက်ဆုံး အိမ်မက်ရဲ့ မွေးမိခင် ပြောဆိုသွားတဲ့ စကားတစ်ခွန်းကို အိမ်မက် ဘယ်တော့မှ မမေ့နိုင်ပါ။ မိမိ မိခင်က အားအင်များ ကုန်ခမ်းနေသော်လည်း ထိုစကား တစ်ခွန်းကို အားယူကာ ပြောဖြစ်အောင် ပြောဆိုသွားခဲ့သည်။ ထိုစကားတစ်ခွန်းသည် အိမ်မက်အတွက် အဓိကရည်ရွယ်ချက် ဖြစ်သလို၊ မိခင်ရဲ့ အလိုဆန္ဒ တစ်ခုလည်း ဖြစ်သောကြောင့် အိမ်မက်အနေနှင့် ကြိုးစားလုပ်ကိုင်သင့်သည်ဟု မိမိကိုယ်ကို စိတ်ထဲတွင် မှတ်ယူထားသည်။ အိမ်မက်ရဲ့ ဘ၀ ပြောင်းလဲခြင်းမှာ မယုံကြည်နိုင်အောင် ပြောင်းလဲသွားလေသည်။ အဘယ်ကြောင့်ဆိုသော အိမ်မက်ဆိုတဲ့ နာမည်လှလှလေး ပိုင်ဆိုင်ယုံတင် သာမက၊ ရုပ်ကလေးပါ လှတဲ့ အိမ်မက်ဆိုတဲ့ သတင်းထောက်မလေးကို ဒုက္ခသည် စခန်းတွင် ပညာအတူတူ သင်ယူခဲ့သော နော်ထူးဆိုတဲ့ ကောင်လေးတစ်ယောက်က ချစ်စကားဆိုပြီးလို့ အိမ်မက်တို့ နှစ်ယောက်သား ချစ်သူရည်းစား ဘ၀သို့ အလိုလို ရောက်ခဲ့လေပြီ။ သို့သော် အိမ်မက်တစ်ယောက် ချစ်ကံခေ ခဲ့ရှာပါတယ်။ အဘယ်ကြောင့်ဆိုသော် အိမ်မက်၏ ချစ်သူလဲဖြစ်၊ အိမ်မက်ကိုယ်တိုင်က အိမ်ထောင်ဖက်အဖြစ် တစ်ထစ်ချ သတ်မှတ်ထားသည့် မောင်နော်ထူးသည် သူ၏မိသားစုနှင့်တကွ တတိယ နိုင်ငံသို့ ထွက်ခွာရပါတော့မည်။ တစ်ကောင်ကြွက် တစ်မျက်နှာ မည်သူတစ်ဦးတစ်ယောက်ကမျှ သူမတွင် အားကိုးပိုင်ခွင့် မရှိအောင် လောကဓံကြီးက ပစ်ပစ်ခါခါ ရက်စက်သွားလေပြီ။ နိုင်ငံခြားသို့ ထွက်သွားသော ချစ်ရသူ မောင်နော်ထူးနောက်ကို အိမ်မက်တစ်ယောက် လိုက်သွားနိုင်ပါသော်လည်း…..!!!! သို့သော် အိမ်မက်ဟူသော နာမည်လှလှလေး ပိုင်ဆိုင်ထားသူ မိန်းမပျိုတစ်ယောက်တွင် ကြီးမားသော ရည်ရွယ်ချက် အိမ်မက်ကြီးကို အကောင်ထည်ဖော်ရန် သာမက ဘ၀တစ်ပါးသို့ မကူးပြောင်းခင် သူမ၏မိခင်က အားယူကာ ပြောဆိုထားတဲ့ စကားတစ်ခွန်းကလည်း သူမ၏ ဦးနှောက်အတွေးထဲတွင် မှတ်မှတ်ရရ ရှိနေပါသေးသည်။ အိမ်မက်ဟူသော် မိန်းမပျိုလေး ကြီးမားသော ရည်ရွယ်တစ်ရပ်ကား မိမိနိုင်ငံဖြစ်သော မြန်မာနိုင်ငံတွင် မနေရစေကာမူ မိမိနိုင်ငံ၏ ဖြစ်ပျက်နေသော သတင်းအစုံအလင်ကို ယူနိုင်ရန်အလို့ငှာ မိမိတို့ တိုင်းပြည်နိုင်ငံနှင့် နယ်နမိတ်ခြင်း နီးစပ်သော ဤထိုင်းနိုင်ငံကြီးတွင် မနေထိုင်ပဲ အလွန်တရာမှ ဝေးလံလှသော် နေရာကြီးကို အိမ်မက်တစ်ယောက် မည်သို့မျှ မထွက်သွားနိုင်ပေ။ ထို့ကြောင့် အိမ်မက်သည် မိမိနေထိုင် အသက်ရှင်နေနိုင်သော ဤထိုင်းနိုင်ငံကြီးမှ အပ မည်သို့သော နိုင်ငံများကိုမှ ထွက်မသွားနိုင်ပါဟု မိမိကိုယ်မိမိ ဆုံးဖြတ်ထားပေသည်။ ဘ၀တစ်ပါးသို့ မကူးပြောင်းခင် မိခင်တစ်ယောက် အားတင်းကာ ပြောဆိုသွားသော် စကားတစ်ခွန်းမှာလည်း………….၊

ပြီးပါပြီ

ရှမ်းကလေး